Kipuinuaina Bu

MANIPUR EVANGELICAL LUTHERAN CHURCH
(ELCITHS)

KIPUIHUOINA BU

Head Office : Zomi Colony, Post Box-10, Churachandpur, Manipur, India.

PREAMBLE

Khrist sisan a huoikhawm -Manipur, India leh leitung mun tuomtuom a hattuom umte’n lung kituohtah in Apostolic Creed, Nicean Creed leh thugin pomte leh hattuom mipi vaihawmna toh pei akihi dan Manipur Evangelical Lutheran Church (MELC) chia ki min vaw in, Pasian a ginna zal in tam Kipuihuoina Laibu Hattuom Pawlpite kivaihawmna ding in Pa Pasian, Tapa Pasian leh Hagau Siengthou Pasian min in tuni __ mun ah kipomta hi.

KIPUIHUOINA LEH DANBU

BUNG – 1: Laibu Min

1. Tami Laibu min Manipur Evangelical Lutheran Church Kipuihuoina leh ‘Danbu’ akichi ding hi.
2. A kizahna sung : Tami Laibu pen Manipur Evangelical Lutheran Church Thuginpi leh Kipuihuaina leh Danbu dungjui a zui leh kivaihawmna nuoi a Pasian bekhawm leh nasem khawmte, tualeh MELC in a theipi hattuomte sung a zah ahi ding hi.

BUNG – II

Khil -1: Tup-le-ngim

India leh mun tuomtuom a um Manipur Evangelical Lutheran Church ten tam anuoi a siltupte kithutuohtah a Jesu Khrist itna lungtang vom kawm leh Hagau Siengthou kithuopina toh tangtun sah ding tup-le-ngim ahi. Tuate khu :-

  1. Mangpa Jesu Khrist thupieh bang a India leh leitung mun tuomtuom a khantanhoi thupha tun zou louna mun leh gam a hagau mangthaite sui a, Jesu Khrist khantanhoi genna; Hattuom phut ding, theipitu hiding leh a ging tate hindan siengthou ding a sinsah leh kep ding(Mat.28:18-20).
  2. Jesu Khrist gingtate (Khristiante)hagau hinkhuo suh hoi leh a pichin theina ding ua kep leh hatsah ding, tualeh, a gingtate khat-le-khat kipanpituo a, kipawlkhawmna siengthou a kipawl a ki ittuo chiet ding.
  3. Pasian itna khu miteng tung a itna nasep a suhlat ding. Tualeh, Jesu Khrist nasep ban- tahsa leh hagau a khantouna na hoi sem ding leh umna mun chiet a Chi leh Meivah bang a al leh vah ding apankhawm ding.
  4. Ginna kibahpi hattuom- pawlpi tuomtuomte toh hagau lam leh tahsa lam a kipawl a Pasian biehkhawm ding leh kipanpi tuo ding.
  5. Pawlpi sung a siemzilna(Secular leh Theological) khantouna dia pan lah ding.

BUNG – III

Khil – 2 : THUGINPI (Statement of Faith)

Manipur Evangelical Lutheran Church a member kouten mimal leh hattuom pumpi in tam thuginpi- Laisiengthou toh kituoh ginna ahi chi in ka gingta ua ka phuongkhie uhi. Tuate :-

1. Laisiengthou toh kisai: Laisiengthou pumpi siemchiilbu apat Kihylna(Genesis – Revelation) tan Thuhun lui bu 39, Thuhun Tha bu 27, akigawm in bu 66-te khu Pasian huhakhum, akikhel thei lou, Pasian Hagau siengthou in nidang lai a misiengthoute kunga anapieh, Pasian kihylna bukim, a dih lou umlou, ginna leh nasepna diing a kibulphuna, doh diing thutawp leh jui diing umsun ahia; tualeh lamkai lienpen leh tung nungpen ahi, chin ka pom uhi.(2 Tim.3:16,17; II Pet.1:21; i Kor.2:13; Kih. 22:18,19; Mat.5:18; 24:35; Jn. 5:39; 10:35; 17:17; Isai 8:20).

2. Pasian toh kisai: Pasian Hing, dih leh siengthou, kumtawn a um zing kipat hun leh tawp hun nei lou, kikhel ngailou bangkim bawlthei Pasian a Mi thum(Trinity), kipum khat leh kikhen ngailou, sep le bawl a pangkhawm zing , kumtawn a um khawm zing, ka gingta uhi.(Gen.1:1; Diut. 6:4; Isai 45:21, 22; Ex. 3:14; 34:6; Jer.10:10; Job.11:7; Sam 90:2; 147:5; Mat.28:19; Jn.4:23,24; Rom. 9:5; Nas. 5:3,4; Jn. 14:26; 15:26; 17:3; 1:17; Kih. 4:8; 15:4).

a) Pa Pasian toh kisai : Sil zousie siemtu, asilsiemte hepina toh enkoltu, itna Pasian ahi. Bangkim a abul, hinna nei zousie kunga hinna petu, a Tapa leh Hagau Siengthou leitung a hing sawl in, mikhielte hundamna diing a Tapa in lampi ahing bawl sah hi., chi ka gingta uhi. (1 Kor.8:6; Eph.3:9; Job. 1:6; Heb. 12:9; Joh. 3:16; 14:26; 16:26; 1:12; 3:1-7; 14:23-24; 2Pet.1:4; 1 Jn. 3:9; 1:9; Jn. 16:23).

b) Tapa Pasian toh kisai : Jesu Khrist, Pasian Tapa tangneisun ahia, Hagau Siengthou silbawl theina in nungah siengthou Mary sungah vop in ahing um a, mihing in ahing pieng a, mi zousie Mangpa leh Hundampa hiding in mi zousie sih le tangin Kross tungah, igitlounate uh sil siengna diing in A na’h ah sisan leh tui pawt in hing thuoh in shi hi. Haankhuh sungah vui in a um a, siem itanna diing un nithum ni in mishi lah apat Pasian thupina tahsa toh kaithaw in a um a, van ah katou in tu in Pasian zietlam ah tou in, a gingta mite genpiehpa ahia, mihing leh mishite thukhenpieh diing in, muthei in , silbawl theina thupi tah toh ahing pei kia diing hi, chi ka gingta uhi
(Mat.16:13-16: Jn. 10:36; 1:14; Phil.2:6-8; Isai.7:14; Mat.1:18-25; Isai 53:1-12; 1 Pet.3:18; 2Kor.5:21; Mat.28:5-7; Lk.24:26; 1Kor. 15:3-4; Mk. 16:19; Lk 24:51; Heb.7:14-16; 1 Jn.2:1-2; Heb.1:3; Kih.3:21; Is.9:6; Mat. 20:28)

c) Hagau Siengthou Pasian toh kisai: Hagau Siengthou Pasian khu Mihina nei leh hinna petu ahia, mite mikhiel ahina uh kiphawhsah a, Jesu Khrist Hundampa leh Mangpa ahidan theichien sahtu ahi. Gingtute chiemte leh hamuanpa ahia, gingtute sungteen khum a, gingtute hinkhuo susiengthou in , gingtute Jesu Khrist a akipieh jawna bang bang ua thoptu, biehna leh khantanhoi phuanzahna leh nasepna a mitvah sah , guoljawna hinkhuo a gingtute pui a, leitung tawp dong a umpitu ahi, chi ka gingta uhi. (Jn. 14:16-17,26; 16:7-15; 1 Kor.6:19; 12:13; Eph.4:30; Rom 12:1-2; 2 Kor.3:18; Eph.5:18-20; 1 Jn.2:20,27)

3. Silsiemna toh kisai: Pasian in vanzah dang neilou in bangkim asiem hi. Leitung pilna zangh a sil neunou khat akipat a, ama leh ama a hing piengkhia (evolutionary theory) ahi chia gente ngaidan toh kikal, Genesis laibu sunga sil siemthu kigen khu adih ahi, chin ka gingta ua, ka pom uhi. Bible munte : Gen. Bung 1-3; Sam 33:6,9; 19:1-6; Isai 40:28; Kol. 1:15-17; Heb.11:3; Kih. 4:9-11.

4. Vansawltahte toh kisai: Pasian in mihing a siem masang in, vansawltah kichi(Angelie) tampi ana siem zouta a, amaute lah a thupi in a sienthouna dinmun uh tudet in Pasian bia in Pasian nna asem ua, leitung a Pasian mite nna asem uhi. Bible munte :.Job 1:6-12; 2:1-7; Eze.28:12-18; Is.14:12-14; 1 Tim 3:6; Kih.12:3-4.

5. Setan toh kisai: Setan khu Pasian in a siem chiil in Lucifer(Phalva’h tapa) ahia, Pasian in Ama ban a lal leh thunei dia asiem ahi. Vansawltahte lah a lienpen leh tungnungpen ahi. Hinanleh a kiletsahna lungsim leh siemtu Pasian saang a thupijaw a a mangtoupha dopsang diing lungsim a nei zieh in, van apat leitung a paikhieh( tot khieh) in a um a, khumi apat in a min khu setan chia minvaw ahita hi. Tuachin setan nuajui vansawltah tampite zong dawite ahing hita uhi. Setan khu khelna bulpi ahia, leitunga khelna umsahpa ahia, mihingte suongtu Adam leh Evi na sawl in, leitung pumpi khu a khutnuoi a nakoi/pua in, Pasian silguon khat pou pou suhsiet sawm zing, Pasian melmapa ahi. Setan khu Mangpa Jesu Khrist in Kross tungah a mawpaita a , tuhun in gingtute sugenthei in kisalel mama nanleh a tunna mun diing khu guotsa-Meidil(Lake of fire) ahi a, kum sangbei chieng a, khumi mun a selut ahi diing hi, chin ka gingta uhi.
2 Kor.11:3; Gen 3; Kih. 12:10; 1Pet. 5:8; Kih 20: 2, 10; Mt. 4:1-11.

6. Mihing toh kisai: Mihing khu Pasian in Ama lim leh mel sun a ana siem ahia, hinanleh khelna a apua tah ziehin, Pasian thupina atangzou nawnsih a, tahsa shina bep hilou in, hagau shina leitung ah a hinglut a, mi zousie a jelsuoh a, Pasian toh kikhenna a tuoh tahi. Tuachin mihing zousie khelna neisa(khielsa) in a pieng a, tuajieh in Hundampa leh Tanpa apoimaw tahi, chi ka gingta hi. (Gen.1:27; 2:16-17; 3:1-7; 1Tim.2:14; Sam 51:5; Jer.17:9; Is.53:6; Rom.5:12; 6:23; Eph.2:1-3; 1 Jn. 1:8).

7. Hundamna toh kisai: Pasian leh mihingte khu khelna zieh a akikhen tah zieh in Pasian leh mihingte kilem a a um thei kiana diing un, Pasian in A Tapa Jesu Khrist shina leh thawkiana in hundamna a bawl hi. Tami jal a Pasian hepina a hundamna ahi. Tami khu mi khat in Jesu Khrist khu a hundampa a apomna tungtawn a um ahi. Tam hundamna khu Khristian inkuon sung leh Pasian gingtate lah a aum zieh a tanthei ahisih hi. Hundamna khu Pasian Hagau in eima hagau toh Pasian tate ihidan ahing theisah hi. Hundamna khu tam leitung damlai a nei diing leh kitheichet diiing ahia, Pasian in a Hagau Siengthou a a chiemte ahi. (Eph. 2:8; Tita 3:5-6; Rom 6:23; Nas. 16:31; Kol.1:14; Jn.10:27-29; 15:26; 16:7-11; Rom 8:1-2, 16 ; Eph.4:30.)

8. Hattuom toh kisai: Hattuom ichi chieng in sil ni agenkha a, tuate khu :-

  1. Muthei lou (invisible or universal church) hattuom khu Jesu Khrist gingta tahtah a piengtha zousie kigawm khawmna khu ahi.
  2. Muthei (visible Church) hattuom khu tam leitung a muthei a ikipawlkhawmna uh ahia, tami hattuom ah a tahtah leh a lem a um khawm hi. Hattuom khu Mangpa Jesu Khrist sisan a tatdoh mite ahia, tam leitung a khantanhoi phuongzah diing a ngansie a umte ahi uhi. Jesu Khrist sepban sem dia mawpuohna nei ahia, Ama’n a misiengthoute Ama kunga umdia apuitou masang a Khantanhoi genna mawpuohna khu hattuom khut a um ahi. Hattuom Lutang khu Khrist ahia, gingtute zousie khu a pumpi(Body) ahia, tualeh Jesu Khrist Mou (bride) zong ahi. (Mat.16:18; Eph. 1:19 – 23; 2:11-12; Kol.1:18; Nas.2:41 – 47; Jn.4:23-24; Nas. 20:17, 28; Phi. 1:1; Tita 1:5-7; 1 Tim.3:1-13)

9. Thugousiete (Sacrements): Tam Thugousie khu ni ahi- Mangpa theizingna annsieng leh gingtute Baptisma ahi. Tami khu i Mangpa Jesu Khrist in ahing peikia masangsie a hattuom in abawljel diing ua a thu vaihah ahi. Khantanhoi gingta a pomte khu baptisma pieh diing leh baptisma tangte’n a neh ua a dawn diing uh Mangpa Jesu Khrist theizingna Ankuong ahia, gingtute kipawlkhawmna siengthou (Holy Communion) ahi.

Tuia Baptisma in Jesu Khrist a gintatna phuonkhiehna ahia, khelna leh hinkhaw lui taisanna(shisanna), a mihing lui khu Khrist toh vuikhawmna leh hinna tha a thawkiana a ensah hi. Tualeh muthei hattuom a kipawlkhawmna a member pching hitheina diing a poimaw masa ahi.

Mangpa theizingna Ankuong in Khrist in eite khelnapua a a shina theizingna leh Ama toh kipawlna, gingtute’n Khrist a neikhawmna uh thasahkiana, Khrist hing peikiana diing kinepna etsahna ahi, chi ka gingta uhi. (Mat 3:13-17; 28:19-20; 26:26-29; Mak.14:22-25; Lk.22:14-20; 1Kor.11:23-26; 1Pet.3:21)

10. Thawkiana (Resurrection): Midihte leh midihloute tahsa pumpi thawkiana amau hun tuom tuoh ah a um diing hi. Khrist a shite hagau khu Khrist umna ah a um ua, khunah khawphawhna nopsahna nei in, thupina tahsa toh thawkiana ngah in a um uhi. Khumi thawkiana khu hattuom lahtou hun leh Gimthuohna hun bei chieng leh kum sang bei hun chieng in a um diing hi. Khrist neilou a shite (unrighteous) ahilevang, a hagau uh mishikhuo(sheol) ah gimthuoh in a umpai ua, Mangtoupha Vaam Thupi masang a thukhenna- tangtawn mawpaina hun ngah in a um tadi uhi. Khum thukhenna a tan bang ua, hagau leh tahsa pumpi kizom kia a thoukiate khu Meidil(Gawtmun) a selut ahiding uhi. Tam gawtmun Meidil khu manthai kingkengna ahisih diing a, khawphawhna hoitah nei a tangtawn gawtna thuohna mun ahizaw hi. Tami khu tangtawn shina, shi nina akichi hi.

Midihte tangtawn hinna tanga thoukia diing uh; midihloute tangtawn gimthuohna, mai zumna leh simmawna dia thoukia diing uh. Tam thukhenna nukhie pen zou chieng in, Lei Tha leh Van Tha hing um diing a, khuna’h Pasian ngel khu a mite lah a tangtawn a teeng zingta diing ahi, chi ka gingta uhi. (Jn.5:25-29; Lk. 16:19-31; 2Kor.5:1-8; 1Kor.15:12-58; Phil.3:20-21; Job.19:25-27; Dan.12:1-3; Mat.25:31-33; Kih. 7:9-14; 1 Thes.4:13-17; Kih. 20:4-6; 21:1-3; 20:11-15)

BUNG – IV HATTUOM

Khil – 3

i) Tualsung Hattuom (LOCAL CHURCH):
Tami Kipuihuoina Dan nuai ah, Hattuom in a bawl, azah kizilsahnate leh ki thununna leh gamtatna dante nuai a ki pawlkhawm ut a, Hattuom leh nasepte gum a sum leh pai, tha leh zung pie a, mawpuohna akilawm leh kikhomte pua nuam Khristian koizong Manipur Evangelical Lutheran Church nuai a Tualsung Hattuom in aki phuonthei ding a, a umsate ah member a suathei ding hi. Tualsung Hattuom a member hina neite mai Manipur Evangelical Lutheran Church member ahi hi.

ii) Tualsung Hattuom Member Suahna:

  1. Member ngiempen (Primary membership) : Manipur Evangelical Lutheran Church thugin zilsahna sangthei, Baptisma tang nailou leh Mangpa Nitah Annkuong Imm nailoute leh Hattuom memberte tate, a piching nailoute zousie Hattuom member ngiempen (Primary member) in akikhum thei ding hi.
  2. Member pichinglou (Junior Communicant) : Manipur Evangelical Lutheran Church Thugin leh zilsahna sangthei a, Baptisma tang zousa, Mangpa Nitah Annkuong neh leh dawn thei nailoute, tahsa upat kum 15 nuailamte zousie khu member pichingnou (Junior Communicant Member) in aki khumthei ding hi. Hattuom kitelna ah vote aneithei nai sih ding uhi.
  3. Member Piching: Manipur Evangelical Lutheran Church Thugin leh kizilsahnate sangthei, Baptisma tang zousa, Mangpa Nitah Annkuong Imm zousa, tahsa kum 15 apat a tunglam mite zousie khu Member Piching (Full Communicant Member) in aki khumthei ding hi. Member Ngiempen leh member Pichinglou apat Member Piching dinmun tan ah mi ahina bang bang in aki suontou ding hi. Tambang mite maimai in Hattuom Vaihawmna ah deiteelna (Vote) pethei in, dinmun neithei in, zi leh pasal nei phalna zong aki pethei ding hi.

Khil – 4 : Khualtam (Associate) Member

  1. Koi zong MELC Hattuom mi a khualtamna a MELC hattuom khat a tel utna, sepkhawm ut na, kipawlkhawm utna anei a ahileh, a telnuamna hattuom ah Associate member a guonthei ahi ding hi. Member ahina khu hattuom a ahina bangbang Associate member ahina ah zong ahithei ding hi. Khumbang Associate member hiten mun ni ah Vote anei thei sih ding ua, Associate member ahina pen ah Vote anei thei giap ding hi.
  2. Koizong MELC hattuom heimasung a member hina ana neilou, hinanleh, member ahina hattuom thugin leh kizilsahna Manipur Evangelical Lutheran Church in a pomthei ahipouleh, ava khualtamna mun a MELC hattuom a tel utna, kipawlkhawm utna leh sepkhawm utna aneileh phalsahthei ahi ding hi. Full – Communicant member a pom ahi ding hi.
  3. Koizong Associate member hi utten ahing kipatna hattuom apat a hina dihtah genna lai a hing tawi ding uh ahi.

Khil – 5 : Member Min khumna

Member minkhumna : Tualsung hattuom ah member minkhumna laibu kizentah leh kituuptah khat nei ahi dinga, khumi laibu sung ah memberte min, ahina dinmun uh, zi leh pasal a neina uh, pianni leh shini, pemlutni leh pemkhieh nite kituptah a gelkhieh dimdiam ahi ding hi.

Khil – 6 : Pemna

Pemna : Manipur Evangelical Lutheran Church tualsung member koi inzong a umna mun kisuonna pemkhiehna anei chiengin, a kipatna tualsung hattuom apat Secretary in a pieh pemna lai tawi in Manipur Evangelical Lutheran Church tualsung Hattuom dang khat poupou ah a pemlut/kisuanlut thei ding hi.

Khil-7: Local Church Committee

  1. Manipur Evangelical Lutheran Church sung ah Biehinn khat sunga kilawikhawmte khu Local Church Committee (LCC) vaihawmna a ngiempen hinanleh, hattuom kibulphuna ahijiehin, hattuom hatna diing leh hoina diing in LCC Memberte hoina leh gin-umna a poimaw hi. Local Church Committee khu tam a nuoi a bang a bawl ahi diing hi.
  2. Kumchin in hattuom sung ah Local Church Committee Member diing a teel diing uhi. A local sunga Upa namdet sate, Pastor, Pro-Pastor leh Evangelistte a umna Local Hattuom a Local Church Committee Member hisa ahi uhi.
  3. Hattuom kibulphu theina diing in hattuom mimal 50 tan umnate ah Local Church Committee Member 5 a teelthei diing ua, 51-100 chieng umnate’n Member 7 tan, 101 -500 umnate’n member 9 ateel thei ding ua tualeh, 500 tunglamte’n Local Church Committee member 11 a teel thei ding uhi.
  4. Hattuom Local Church Committee kiteel chieng in Local Pastor umlou nate’n Biel Pastor ahilou leh Divisional Superintendent chiel a teel ding ahi. Tualeh, Pastor umsung ngei in Chairman, Secretary leh Office Bearer dangte zong guot/teel ngal ding ahi.
  5. Local Church Comittee Member diing in mi piching, sawm-a-khat pezom zing, zu-le-sa, khamthei leh ki mawlna thanghuoi a kimawl lou mi ahi baan ah ginna leh tahsa a mi pichingsa ahi ding hi.
  6. Local chin a LCC toukhawm hun chieng in Local ELWA Chairperson leh Secretary banah LYF Chairman leh Secretary te apoimaw leh kul dungjui in achiel thei ding uhi.
  7. LCC member dingin Pastor leh Upa pension sate aumna uh local ah akul leh apoimaw dungjui in a chiel thei ding uhi.
  8. LCC in Local sunga ELWA, LYF, LCF leh Mission Board te ahat theina ding un akul leh apoimaw dungjui in vaisaipi in akithuopi ding uhi.

Khil – 8 : Local Church Committee nasep diingte :

  1. Khosung hattuom tahsa leh hagau lam a a pichin theina ding in tahsa leh hagau a kisinsahna, hagau mangthaite sui a hundamna nasep, Pasian sumpi leh tuohkhawmte ginumtah a kep leh a zahna diing bangtah a zah leh etkolna nasep leh hagau lam thu toh kisai – kisai lou hinanleh, Local Church Committee in a sai din hi.
  2. Hagau lam thu leh vaihawmna toh kisai in a kuul leh a poimaw dungzui in Biel Pastor/Divisional Superintendent in Local Church Committee-te khawm in, Chairman hina la in, thu a ngaituo thei diing hi.
  3. Pastor/Semtu khat pou pou a nasepna toh kisai in demna a hiei, thu-le-la gen diing sah ding a um leh Local Church Committe in a sai diing ua, Division tungtawn in akisaipi Dept/Commtt kungah atut ding ua, kipuihuaina leh Dan bu dungjui in thupuasahna bawl ahi jel ding hi.
  4. Local Church Committee Member koi hitahleh, sum-le-pai thu a a muonhuoisih leh Local Church Committee ma in a heng thei diing hi.
  5. Local Church Committee a member khat in hattuom sung a shina, hitheinawnlouna leh umlouna a neileh Local Church Committee in hattuom sung a mi khat kithutuohtah in a guongthei/teel thei diing uhi.
  6. Local Church Committee thuneina in a zaw lou thu-le-late Division a tut ahidiing hi.
  7. Local Church kivaihawmna ah MELC Kipuihuaina leh Danbu dungjui a kivaihawm ahi dinga, tualeh hattuom etkolna nasep zong asem ding uhi.

Khil – 9 : Local Mission Committee

Khochin hattuom sungah Mission Committee a um diing a, amaute zong kum teng a teel ahi ding uhi. Khochin Hattuom a Mission Committee member ding in mi 5 tan tel/guon ahi ding hi. Chairman, Secretary, Finance/Secy. leh Treasurer leh a dang poimaw a sahte uh Local Church Committee-te theipina in a teel/guong thei diing uhi. Tualeh, a nuoi a bang in na a sem diing uhi.

  1. Local Mission Committee in Head Office/Mission Department leh LCC apat Missionary nasep diing toh kisai a thupiehte a semkhe diing ua, tualeh, Pawlpi in a sep ding ua a guon pieh vaiguonte a supiching diing uhi.
  2. Missionary toh kisai nasepna leh hagau mangthai sui leh matna nasepna diing in Missionary tuohkhawmte lakhawm in, tualeh sum tuom tuom a sui thei in a zangthei ding uhi; hinanleh tuate’n Pasian sumpi a sukha theisih diing ua, tualeh hagau mangthaite lainatna toh na a sem diing uhi.
  3. Missionary nasepna toh kisai in hattuomte hantawh in a suthathou diing ua, local LCC toh kithuo in hattuom sungah vaiguon bawl in kikhopna zong a bawl zel zel diing uhi.

Khil -10 : Local Numei Pawl (ELWA)

Khochin hattuom ah Numei pawl/ELWA Committee a um diing a, Committee member diing in mi 7 tan kumteng in a teel diing uhi. Amaute’n Chairperson, Secretary, Finance Secy, Treasurer leh a dang dang poimaw a sahte uh a guong ding uhi. Pastor um louna munte ah Local Church Committee lah a member khat Numei pawlte Adviser diing a guon ngei ngei diing ahi.

Nasep diing : Local Numei pawl/ELWA in numei lam toh kisai nasepna leh kisinsahna tuomtuom leh taga-meithai kepna lam a nahoi sem diing leh ELWA Hqtrs. Division ELWA leh LCC vaiguonte pichinsahna diing in na asem diing uhi. Numei kikhop zong a nei zing diing uhi.

Khil – 11 : Local Khanglai Pawl (LYF)

Khochin hattuom ah Khanglai Pawl Committee zong a um diing hi. Committee member diing in mi 7 tan kumteng in LCC te theipina toh a teel diing uhi. Amaute’n Chairperson, Secretary leh a dang dang poimaw a sahte uh a guong diing uhi. Pastor umlou nate ah Local Church Committee lah a member khat Khanglai pawlte Adviser diing a guon ngei ngei diing ahi.
Nasep diing : Khanglai Pawl Committee in Khanglai Pawl leh Naupang Sunday School toh kisai kisinsahna leh Subject-te tualeh, tahsa leh hagau lam a kisuh halna leh kipawlkhawmna tuomtuom a semkhe diing ua, LYF Hqtrs, Division LYF leh LCF in a guot vaiguonte a supiching diing uhi. Tuabanah, Khanglai (LYF) leh Naupang(LCF) pawl kizopna zong a nei ding uhi.

Khil – 12 : Committee tuomtuom

a) Hattuom Member kichinna ah tam a tung a Committee tuomtuom Committee dang zong a poimaw leh kuul dungzui a bawlkhiet thei ahi diing hi. Tambang Committee akibawl diing leh Local Church Committee-te kithukimna toh bawl ahi thei giep ding hi. Tualeh, tambang Committee akibawl diing leh member 7 sang a tawmzaw a kiguong theisih diing hi. Tualeh, hattuom neu leh member kichinlouna munte ah a tung a kigen committee pen Local Church Committee in a kop thei diing hi.
b) Local sunga Committee tuomtuom ELWA, LYF, Mission leh a dang dang teng in nasep silbawl hi in kivai hawmna lam hitaleh LCC te theipina toh bangkim a sepsuo diing uh ahi.

BUNG-V

Khil-13: Division

Hattuom sung kikepna diing leh nasepna diing in MELC Annual Session/Khawmpi in Local Church bangza ahiei gawmkhawm in Division a bawl diing hi. Hattuom/khuo 10 apat atung lamte Division khat a simthei ahi ding hi.

  1. Division Khawmpi: Division in Kumkai Khawmpi – Kum teng in abawl zel ding uhi.
  2. Divisional Office Bearer: Division chin in kum 3 dan zel in amau Office Bearer ding telna a nei zel ding uhi. Tami Office Bearer diing a panmun teel diingte khu -Chairman, Vice Chairman, Secretary, Recording Secretary, Treasurer leh a dang dang.
  3. Division sung a kivaihawmna bangkim DS khu bangkim semsuo/bawhzuitu(Chief Functionary) ahi ziehin, ama khu Division Office Bearer member ahi zing hi.
  4. Divisional Superintendent khat nuoi ah Sub Division khuo 2/3/4 tan a gawmkhawm in, Pastor Biel a bawl thei ahi hi.
  5. Khawmpi Palai: Divisional khawmpi Palai diing in Division sung a hattuom upate, Local Church Committee Member-te semtu umte, Divisional ELWA, LYF leh LCF Office bearer-te ahi diing hi.
  6. Division nasep : Division sung a thu -le-la umte(Khawmpi leh Khawmpi kikal a) a ngaituo diing uhi. Tualeh Standing Committee member diing mi a guong diing ua, Pastorte leh Sawltahte tel in Standing Committee a Form diing uhi.
  7. Divisional vaihawmna ah hattuom kipuihuoina dungzui in vai a hawm diing uhi.

Khil-14 : Division mawpuohna (Khawmpi)

  1. Division Khawmpi in Division sung a hattuomte apat a thu hinglutte leh Annual Session/Khawmpi leh Executive Committee apat a sep diing leh bawl diing a thu kipete leh thu um dangdangte a ngaituo diing hi. Thupuasah a bawl thei loute uh Executive Committee Annual Session/Khawmpi ah a petou diing uhi.
  2. Hattuom upa leh ngetna dang dang Division khawmpi in hoitah a etfelna a nei masa ding ua, Division khawmpi thuneina in a zaw loute Annual Session/Khawmpi ah recommend a bawl thei diing uhi.
  3. Division in apoimaw leh kuul dungzui in Division Fund diing a ngaituo thei diing ua (Division kepna ding in), hinanleh, tambang sumte’n Pasian sumpi a sukha theisih diing hi.
  4. Division in kuul leh poimaw a sah mama leh, kumkhat sung a diing in Sub-Committee a bawl thei diing uhi.
  5. Division Committee in amau Division sung a semtute nasepdan a enkai diing uhi.

Khil-15: Divisional Standing Committee

  1. Divisional Chairman leh Secretary khu Standing Committee ah zong Chairman leh Secretary ahi veve diing uhi.
  2. Member diingte: Division Office Bearer-te, Pastorte, Evangelist-te, Pastor Pension OB a telkhalou hattuomte leh Divisional Khawmpi in a guot/teel mi 2 toh ahi diing uhi.
  3. Division Standing Committee in Khawmpi leh Khawmpi kikal a hattuomte, Annual Session/Khawmpi leh Executive Committee apat a thu lutte, hattuom masawn diing leh Missionary nasepnate a pichinna diing a ngaituo diing hi.
  4. Tualeh LYF leh ELWA Chairperson/Secretary te jong Divisional Standing Committee Member ahi ding uhi.

Khil – 16 : Divisional Numei Pawl

  1. Divisional Khawmpi nuoi ah Divisional Numei Pawl a um diing a, tam Numei Pawl in zong kumsim in Khawmpi a nei thei diing uhi. Kum 3 dan in Chairperson, Secretary, Vice Chairperson, Secretary, Asstant Secretry, Finance Secretary, Treasurer leh a dang akul leh poimaw a sahte uh a teel thei diing uhi.
  2. Numei Pawl in Standing Committee Kum khat in a tawmpen in 3 vei tei a neithei diing ua Member diing in Office Bearer teng leh Departmental Secretaries teng ahi diing hi. A poimaw dungjui in member dang zong a lahbe thei ding ua, hinanleh, Standing member 15 sang a tamzaw ahi theisih diing hi.(Office Bearer leh Departmental Secretaries teng toh sim in). Standing Committee ah Division Chairman leh Secretary in Chair hina ala diing uhi. Office Bearer Committee ah DS zong member ahi diing a, Standing Committee ah DS leh Pastor leh Evangelist te member ahiding uhi.
  3. Numei Khawmpi Member diingin Division Office Bearer-te, Departmental Secretaries leh Local Hattuom a Numei Pawl member teng leh semtu teng ahi diing uhi.
  4. Numei Pawlte’n zong Standing Committee leh Numei Pawl Khawmpi lien Standing leh Office Bearer Committee-te apat a thu tungte leh Numei lam a kivaihawmna kisinsahna leh itna nasep hoi zousie a sem khe ding ua, a nasepte uh Numei Khawmpi lien ah a tut diing uhi.
  5. Numei Pawl in, Numei Pawl Khawmpi lien in sep ding leh bawl diing a apiehte uh a semkhe diing ua, a pichingsah diing uhi.
  6. ELWA Division Khawmpi thupuasah teng Division Papawl Khawmpi leh ELWA Headquarter ah a tuttou zel ding uhi.

Khil-17: Evangelical Lutheran Women Association (ELWA) Headquarter

1. Numei Pawl kitup tah a kipuihuoina diing leh ipawlpi sunga numei pawlte kankhawm diing in Evangelical Lutheran Women Association, Headquarter a um diing hi.
2. Pawlpi peidan bang in kumteng in Annual Session/Khawmpi a nei diing ua, a kum thum(3 years) ah vaipaw diing – Chairperson, Vice Chairperson, General Secretary, Assistant Secretary/Recording Secretary, Finance Secy./Treasurer leh a poimaw dan zil in Departmental Secretary kul leh poimaw asahte uh banah mi 2tan Standing Member diing in Nominate a bawl thei diing hi. Tamte banah Women Promoter, Women Co-Ordinator leh a kisaipi Director khu ELWA Hqtr. office Bearer ahi ding uhi.
3. ELWA Headquarter in kum khat sung in atawmpen in Standing Committee 4 vei tan a nei thei ding uhi. Member diing in Office Bearer teng, Departmental Secretaries teng leh Division a Chairperson leh Secretary te banah Annual Session/Khawmpi in Nominate a bawl mi 2te.
4. ELWA Hqtr. Annual Session member diingte-ELWA Office Bearer teng, Standing Committee member teng, ELWA Local Church member teng, Pastor leh Evangelist teng, LYF Headquarter leh Mission Department apat Chairman leh Secretary leh Vice Chairman leh Assistant Secretary toh ahi diing hi.
5. ELWA in nasep silbawl zousie akisaipi Director of Ministry toh kithuzah in bangkim ah hatsem leh khantou sem na dingin na asem ding uhi.
6. ELWA Headquarter in MELC thupieh bang in na a sem zel diing hi.
7. ELWA Headquarter in sum keng ding diing in anntang ham (Veilam) a neithei diing uhi.
8. A poimaw leh kul dungzui in sum-le-pai suina leh zahna a bawl thei diing ua, hinanleh sum zahna pen MELC, DDO theipina toh zah thei ahi giap ding hi.
9. ELWA Hqtr. Annual Session/Khawmpi Thupuasahte MELC Annual Session/Khawmpi ah a tut diing uhi.

Khil-18: Divisional Naupang Pawl (LCF)

1. Division Khawmpi nuoi ah Division Naupang Pawl a um diing hi. Kum 3 dan in Divisional in Chairman, Secretary leh a dang poimaw a sah teng uh a teel thei ding ua, hinanleh office bearer teng leh Departmental Secretary teng simtel in, member 15 sang a tamzaw lou ahi diing hi.
2. Division Naupang Pawlte’n zong Khawmpi a nei thei diing ua, MELC headquarter, LYF Headquarter leh LCF headquarter a kipat thu hinglut zousie a sai ding uhi. Tualeh Naupangte khantou nadiing – kisinsahna, kikepna leh kidemna(competition) thu-le-la zousie a sai diing ua, a nasepte uh Division LYF ah a tut diing uhi.
3. A poimaw leh a kuul bangzel in Comittee tuomtuom a neithei diing ua, committee a kibawl chieng in Division LYF lamkaite theipina toh a bawl diing uhi.

Khil-19 : Divisional Khanglai Pawl (LYF)

1. Division nuai ah Divisional Khanglai pawl LYF a um ding uhi. Khanglai Pawl in zong kum sim in Division Khawmpi a nei thei ding uhi. Kum 2 dan in Divisional Chairman, Secretary leh a dang poimaw asah teng uh a telthei diing uhi.
2. Division Khanglai Khawmpi palai diing in Office Bearer, Departmental Secretaries, Divisional Standing Committee memberte leh hattuom chin a Khanglai Committee memberte leh Division sung a semtu um teng ahi dinguhi.
3. Division Khanglai Pawlte’n zong Standing committee a nei ding ua, member diing in Office Bearer teng leh Departmental Secretary teng simtel in khochin LYF Chairman/Secretary OB a tel khalou teng toh ahi ding hi. Division Standing Committee ah Chairman leh Secretary in Chairman/Secretary hina ala veve diing uhi.
4. Division Khanglai Pawlte zong MELC, LYF Head Quarter apat thu tungte a ngaituo in a semkhe diing ua, tualeh amau division sung a Khanglaite hatsem na diing leh Division khantouna diing in na a sem diing ua, a supiching diing uhi. Anasep zousie uh LYF Hqtr. Khawmpi ah a tut diing uhi.

Khil – 20 : LYF Headquarter

1. Khanglai Pawl kitup tah a kipuihuoina diing leh i Pawlpi sung a Khanglai pawlte kankhawm diing in Lutheran Youth Fellowship Headquarter a um diing hi.
2. Pawlpi peidan bang in kum teng in Kumtawp Khawmpi a nei diing ua, a kum thum (3 years) china ah Kitelna a nei thei diing uhi. Tualeh, tami kum thumna ah vaipaw diing Chairman, Vice Chairman, Secretary, Asistant Secretary, Finance/Treasurer leh a poimaw dan zil in Departmental Secretary kuul leh poimaw a sahte uh banah mi 2 tan Standing Member diing in Nominate a bawl theidiing hi. Tamte banah Youth Co-ordinator khu LYF Hqtr. Office Bearer ahi diing uhi.
3. LYF in sil bangkim ah Director & Ministries toh kithuo in ahatsem na ding uleh akhantou sem na dingin na asem ding uhi.
4. LYF Headquarter in kum khat in apoima dan zil in Standing Committee a nei thei diing ua,member diing in Office Bearer teng, Department tuomtuom a Secretary teng leh Division chin a Chairman leh Secretary te ban ah Annual Session/Khawmpi in Nominate a bawl mi 2te.
5. LYF Hqtr. Session Member diingte-LYF Office Bearer teng, Standing Committee Member teng LYF Local chin a khanglai Kum 15 apat atunglam hattuam (LCC) in piching a aphuan khiet sateng, Semtu teng ELWA Headquarter leh Mission Department te apat Chairman leh Secretary te toh ahi ding hi.
6. LYF Headquarter in MELC thupieh bangin na a sem zel diing hi.
7. Apoimaw leh kuul dungzui in sum-le-pai suina leh zahna a bawl thei diing ua, hinanleh, MELC DDO theipi na toh azang jel ding uhi.
8. LYF Hqtr. Anual Session Thupuasahte MELC Annual Session/Khawmpi ah a tut diing uhi. Alou theilou hizal a atut manloute uh Executive Committee (MELC) ah atut ding uhi.

Khil – 21 : Mission Department

MELC Pawlpi sungah hagau mangthaite lainatna leh itna nei in Mission Department khat a um diing hi.
1. Mission Department in kumchin in Missionary Khawmpi a nei thei diing uhi.
2. Mission Dept. Kivaihawmna leh bangkim ah akisaipi Director khu bangkim bawjuitu leh semsuotu (Chief Functionary) ahi ding a, Secretary zong ahi ngal ding hi. Tualeh, akithuopi ding Asst. Secretary/Recording Secy. guot/tel ahi jel ding hi.
3. Mission Director nuoi ah Mission Department Office Bearer diing in Chairman, Vice Chairman, Assistant Secretary/Recording Secretary, Finance/Treasurer ahi diing uhi. Tualeh Mission Standing Committeee member ding in Office Bearer teng leh Divisional Superintendent teng, ELWA leh LYF Chairperson/Chairman leh Khawmpi in aguat mi 5 te ahi ding uhi.
4. Mission Department Khawmpi Palai diingte : Mission Department Office Bearer teng, Mission Committee member teng LOcal Mission Committee member teng, Semtu teng, Pensioner teng, Upa teng leh ELWA leh LYF Hqtr a Office Bearer teng ahi ding uhi.
5. Head Office apat MIssionary nasep diing toh kisai a thupiehte a semkhe diing ua, tualeh, Pawlpi in a sep diing ua a guon pieh vaiguonte a supiching diing uhi.
6. Missionary toh kisai nasepna leh hagau mangthai sui leh matna nasepna diing in khochin apat MIssionary tuohkhawm sum suina dangdang leh zahna tuomtuom neithei in hagau mangthaite lainatna leh itna toh na a sem diing uhi. Hinanleh, tami sumte’n Pasian sumpi a sukha theisih diing hi. Tualeh MELC in akul leh poimaw dungjui in sum kengding diing abawl pia jel ding hi. Tuaban ah sum zahna zousie MELC DDO thupieh toh zah ahi jel ding hi.
7. Missionary nasepna toh kisai in hattuomte hantawh in a suthathou diing ua, hattuom sungah vaiguon bawl in kikhopna zong a bawl zelzel diing uhi.
8. Mission Department Khawmpi Thupuasahte Annual Session/Khawmpi ah a tut diing uhi.
Note : Addendum khat bawl ding.

BUNG-VI

Khil – 22 : Sub-Division Pastor Biel

Hattuom kivaihawmna a kitup theina diing in Khawmpi in Local Hattuom bangza ahei khat gawmkhawm in Sub – Division a siemthei diing hi.
1. Sub-Division kumsim khawmpi a Divisional Superintendent leh Sub-Divisional Chairman leh Secretary-te vaisaina nuoi a nei ahi ding. Tualeh Kum 3 chinna ah Kiteelna/Election anei jel ding uhi.
2. Sub Divisional Pastor pen pen khu a division sunga bangkim semkhetu leh bawjuitu (Chief Functionary) ahi ding. Tualeh Asst. Secy/Recording Secy. guot/telthei ahi jel ding hi.
3. Sub-Division Khawmpi vaihawmna a nei diing uhi.
4. Sub-Division Office Bearer diing kum 3 dan a teel ahi diing hi.
5. Khawmpi palai diingte : Sub-Division Khawmpi palai diing in Biel sung a Office Bearer-te, Standing Committee member-te, Semtute, Upate, ELWA, LYF Office Bearer teng leh Khochin LCC member teng ahi diing uhi.
6. Sub-Division Khawmpi in amau Biel sung a thu-le-la umte a ngituo diing ua, Sub-Division Standing Committee ding mi 10 a guong ding uhi.
7. Sub-Division Vaihawmna pen Hattuom Kipuihuoina leh Danbu dungzui ahi diing hi.
8. Sub-Division in a zaw lou thute pen a kisaipi MELC Executive Committee leh Annual Session/Khawmpi ah a tuttou diing uhi.
9. Sub-Division mawpuohnate pen Division te mawpuohnate toh akibang diing hi.
10. Sub-Division Khawmpi in Sub-Division ELWA, LYF, LCF anei diing ua, a poimaw dungzui in amau Department chiet kepna diing in sum-le-pai a ngaituo thei diing uhi. Tuapen, Sub-Division a Pastor theipi ahi ngei diing ahi.

BUNG- VII

Khil – 23 : Annual Session/Khawmpi
Manipur Evangelical Lutheran Church kivaihawmna sangpen khu Annual Session/Khawmpi ahi. Moderator lamkaina nuai ah Kum chin in Annual Session/Khawmpi aum ding hi. Tualeh tam Annual Session/Khawmpi ah Moderator leh Bishop/Exe. Secy. vaisaina nuai ah Kum teng in Vaihawmna aum dinga, a Kum thum chinna/Kum thum dan ah Kitelna/Election leh semtute kisuonkuolna (General Transfer) aum jel ding hi. A

Khil-24 : Annual Session/Khawmpi Palai :

Annual Session/Khawmpi Palai diing in tam a nuoi ate ahi diing hi.
1. Member hisate : Pastor teng, Office Staff-teng Pensioner, Evangelist, Upa namdet sate leh Sangseate ahi diing hi.
2. Palai diingte :
a) Executive Committee Member teng, ELWA Headquarter Standiing Committee member leh LYF Headquarter Standing Committee member teng, Mission Department Standing member teng tualeh, hattuomchina local church committee member teng leh Moderator/Bishop in a chiel mi 5.
b) Local Church Committee member um lounate leh hattuom neu leh kiphut tha zieh a member nei thei nailou a um khate leh tuabang hattuomt’n tuol sung palai (Lay delegate) mi thum tan a sawl thei diing uhi.
c) Board/Committee tuomtuom a member teng.

Khil -25 : Annual Session/Khawmpi nasep diingte :

1. Annual Session/Khawmpi a thu hing lutte, Division, Sub-Division Department Committee tuomtuom leh Board tuomtuom apat a thulut, Executive Committe in ahing puolut te a ngaituo diing uhi.
2.Division leh Pawlpi hoina diing ahi pou leh khenzah in a gawm thei hi. Tualeh, Division umsa zong a subei thei a, zong a bawl be thei hi.
3. Pawlpi nasem koi zong a chitlouna a um leh, a phawh thei a, a suon thei(Transfer) thei hi. Tuathamlou in, a hoizawhna diing ahi pou leh a tawpsah thei(terminate) hi. Tualeh, a poimaw leh a kuul dungzui in Pawlpi nasem diing a guong thei hi.
4. Sum-le-pai muna diing a ngaituo thei a, tualeh, sum-le-pai zong apoimawna mun ah zah ding in sanction a bawl thei hi.
5. Hattuom a diing a sil poimaw zousie- Kipuihuoina Daan kal ahisih pou leh, ngaituo in a supiching diing a, hoi a sah loute a pai thei diing hi.
6. Committee tuomtuom, Department tuomtuom leh Division Thupuasahte a enkai diing a, hoi a sahte kipah tah a pom in, pichinna diing a ngaituo ngal diing a, hoi a sahloute apom lou thei ding ahi.
7. Pawlpi sung hoizawhna diing ahi pouleh, Kipuihuoina pen Annual Session/Khawmpi Member Vaihawmte se-thumsuo-seni (2/3) thukimna in a hoiloute leh a chingloute a phiet/belap thei diing hi.
8. Pawlpi sung a buoina a um leh, a kin lam in a suveng diing hi. Tualeh, Pawlpi vanzah diing a apoimaw dungzui in a leithei in zong a zuo thei diing hi.
9. Pawlpi sung hoina leh khantouna diing in Project leh Programme tuomtuom sai diing mi a guong thei diing hi. Tualeh, hagau mangthaite hundam ahi theina diing in Missionary tamsem sawlkhie diing dan a ngaituo diing hi. Tuabanah, siltup hoi leh kilawmte guong in hattuomte tahsa lam leh hagau lam a a khansem theina diing a ngaituo ding hi.
10. Khawmpi in kuul leh poimaw a sah dungzui in Bishop leh Director-te tanvou a sulam dang thei diing hi.
11. Hattuom dang dangte toh hagau lam nasep khawmna ngai sang leh a suh buchingna diing in pan ala diing hi.
12. A poimaw leh a kuul dungzui in Hattuom Planning leh Policy umsate a subei thei a, a umloute zong a lalut thei diing hi.
13 Annual Session/Khawmpi in Executive Committee member ding laymen te apat in Hattuom it leh ngaina, mi piching leh muon huai mi 10 aguong jel ding uhi.
14. Annual Session/Khawmpi in kuul leh poimaw a sah dungzui in Hattuom hoi na ding in Committee/Board tuomtuom guong thei in zong a subei thei hi.
15. Annual Session/Khawmpi in a kul leh poimaw dungzui in, Office a nasem diing Elective Post-te a belap thei diing zong a gawmkhawm thei diing hi. Tualeh, a kiemsah thei a, zong a subei thei hi.
16. Upa/Pastor namdetna a bawl thei diing hi.
17. Workerte Transfer and Posting a bawl zel diing hi.
18. Annual Session/Khawmpi kivaihawmna ah Kipuihuaina leh Dan Bu dungjui a kivaihawmna ahi ding hi.
19. MELC huang sunga nei leh lam zousie (moveable & unmoveable) tungah thuneina anei ding hi.

BUNG – VIII

Khil – 26 : Executive Committee

Hattuom Kumtawp Khawmpi umlou kal a Khawmpi sih leh taang a hattuom kepna leh etkolna vaisai ding leh hattuom nei leh lam – tahsa lam hi in Hagau lam hitaleh, kem leh nasem ding in Khawmpi in Kum 3 sunga ding EXECUTIVE COMMITTEE aguat/teel ding hi. Tam Committee ah Moderator khu Chairman ahi ding a Deputy Moderator khu Vice-Chairman ahi ding hi. Tam Committee ah Bishop khu Secretary ahi ding hi, tam Executive Committee in kum khat in 4 vei sang a tawm zolou Committee anei thei ding, a poimaw leh kul dan zil in zong hat be thei ahi ding hi. Tamteng ban ah member anuai a banga gaut/teel ahi ding hi.

A. 1) Exe-Committee Member dingte : Khawmpi (Annual Session) in Kum 3 a dingin mi 10 a guong/teel ding a, tamna member tekhu hattuom sunga mipiching hattuom it leh ngaina mite ahi ding uhi. Tuate ban ah Moderator, Deputy Moderator, Bishop, Directors, Division Superintendent teng Division Chairman leh Secretary teng Department leh Committee tuomtuom a Chairman leh Secretary teng ahi ding hi.
2) Tam Executive Committee khu kum khat sung in 4 vei sanga tawm zolou meeting anei thei ding hi.
3) Tam Executive Committee in Recording Secretary ding khat aguot zel ding hi. Recording Secy. ten meeting/Committee na ah Chairman thutanna bangbang in thupuhnate khu ana giellut zel ding hi. Tualeh Committee zaw ahi chiengin akisaipi Secretary/Director te kungah record buteng apelut zel ding hi.
4) Tam Executive Committee member dinga guot tel a um teng bangma theisahna um lou a, Committee 2 vei tan kizom a a absent leh Committee dinga hatna (Notice) pieh ahi non sih ding hi.

Executive Committee nasep dingte :

B. 1) Executive Committee in a tangpi in
i) Planning leh Policy zousie ii) Finance
iii) Doctrine and Ordinance iv) Appointment, Dismissal & Pensions
v) Personal Administration vi) Church Displines
vii) Properties & Rights viii) Khawmpi Agenda & Nomination
ix) Training
x) Interpretation of Constitution, Bye-law, rules & regulations, Khawmpi thupuasahte leh thupuasah dang dang
xi) General Administration
xii) Hattuom dang leh Pawl dang toh kisai leh mun danga sep ding kipekhelou teng teng asai ding. Tualeh tam mawpuohnate toh kisai a na khat poupou Department, Committee leh Sub-Committee tuomtuom leh Executive Officer (Office te) khat poupou kungah a pesawn thei ding hi.
2) Tam Executive Committee in Department leh Committee tuomtuom thupusahte a enkai dinga hoi asahloute paikhie in aheng thei ding hi.
3) Annual Session Khawmpi thupuosahte bawzui in apichin theina diing a ngaituo diing hi. Tualeh, Annual Session Khawmpi leh Khawmpi kikal a thupoimaw teng a ngaituo diing hi.
4. Annual Sesssion/Khawmpi kikal a thupoimaw kin leh kinaw mama a lou-theilou a umleh, Member sethumsuo-seni (2/3) kithukimna toh Special Assembly a han thei diing hi. Tualeh tambang hun chiengin assembly a member teng ma member ahi ding hi.
5. A hunzil leh a poimaw dan dungzui in Nomination Committee a guong diing a, tua Committee member ding in mi 5 : Upa-3 leh laymen-2, Hattuom sung a member pichingte ahi ding ua, semtu (Paid worker) te apang thei sih ding uhi.

BUNG – IX

Khil – 27 : Office Bearer

Pawlpi toh kisai in tam Executive Committee leh Committee kikal a thu leh la poimaw umte leh thutha aloutheilou umte enzing dingin Office Bearer a um ding a, tuanah Moderator, Deputy Moderator, Bishop, Director(s) te member ahi ding uhi. Tualeh Deputy Moderator khu Office Bearer meeting chiengin chair seat aluo ding hi. Tualeh a thupuhna zousie uh Executive Committee ah atut jel ding uhi.

BUNG – X

Khil – 28 : Committee tuomtuomte

I. Ministerial Committee :
Tam Ministerial Committee a member dingte khu Khawmpi in aguot zel ding hi. Anasep dingte pen
i) Semtu Pastor leh Sawltahte nasepte a enjui ding ua, semtute nasep lungtun huai lou a atheite uh tungah thutanna abawl thei ding ua, Executive Committee/Annual Session ah apolut in report abawl jel ding uhi.
ii) Tam Ministerial Committee ah Director of Ministries khu Secretary ahi ding a, ama toh kithuo in na asemtou ding uhi.
iii) Pawlpi sung adieh a tahsa lam leh hagau lam hinkhua a ihat sem na ding un Crusade, Camp, Revival, Seminar leh Training tuamtuamte apoimaw leh kul bangin ahun leh amun jil in vaiguonte bawl in nasem jel ding uhi.
iv) Pastor leh Sawltah ding lahna ah post creation bawl dingin recommend abawl ding ua, pawlpi phasahna bangin alahna ah bangkim saitu leh enkaitu ahi ding ua, Executive Committee ah tut tou in Annual Session Khawmpi in thutawp abawl jel ding hi.
v) Upa telna leh Upa phuonkhieh dingte khu asai ding ua, Ordination pieh ding leh phuonkhieh dingte khu Last Executive Committee ah ahing polut ding ua Annual Session/Khawmpi in namdetna leh phuankhiehna anei jel ding hi.
vi) Semtu (Ministerial line) ate leh hattuam Upate tunga thubuai labuai umte MELC Kipuihuaina leh Danbu dungjui in atung uah thutanna abawl thei ding uhi.
2. Finance Committee : MELC hattuam/Pawlpi in sum leh pai lam sai dingin Finance Committee ding mi 7 tan aguong thei ding hi. Director of Finance um thei hun ah ama toh sum leh pai lam toh kisai bangin asai ding uhi. Director of Finance um masang teng Director of Ministries in apokhawm phot ding hi.

Anasep dingte :-
i) Half Yearly leh Annual Audit abawl jel ding uhi.
ii) Budget a siem ding uhi.
iii) Sum lut dan leh pai dante enjui jel in apoimaw leh kul bangin ahoi thei na ding ngaitua in na asem tou jel ding uhi.
iv) Local te sum din mun poimaw leh kul asah hun hun un ava enkai ding ua, adihlou te suh dih ahi na dingin pan ala ding uhi.
v) Pawlpi sum keng diing ding leh Pawlpi sum leh pai a kitoudel jouna dingin plan tuamtuam guong in alawchinna ding angaitua ding uhi.
vi) Bangkim sai a abawlte uh Executive Committee/Annual Session ah atut jel ding uhi.
3. Music Committee : Pawlpi in thu leh la sai ding, a dieh a la lam a ma isawn thei sem na dingun Director of Ministries nuai ah Music Committee ding Annual Session Khawmpi ah mi 7 tan aguong thei ding hi.
Anasep dingte :-
i) Music (ginglawm) lam leh La lam toh kisai teng etkaina leh suhpichin semna ding ngaitua in na asem ding uhi.
ii) Labute ahun ahun a siemphatna, bawldihna leh balap ding umte belapna nasep asem ding uhi.
iii) Poimaw leh kul dungjuiin ahun hun in Solfa Camp, Music Camp, Seminar leh Training Vaiguon te bawl in pan ala thei ding uhi.
iv) La lam a kidemna tuamtuamte saitu leh endihtu in apang zel ding uhi.
v) Music Committee bangkim asep abawlte uh Executive Committee/Annual Session ah atut/report zel ding uhi.
4. Tam Committee tuamtuam a tunga Ministerial, Music leh Finance chilou adang dang Committee hi’n Board tuamtuam hitaleh Annual Session/Khawmpi in apoimaw leh kulte ahun leh amun jil in aguat/guong thei ding hi. Tualeh anasep dingte utoh guan/guot ahi jel ding hi.

BUNG – XI

Khil – 29 : Kiteelna

Kiteel hun leh Transfer & Posting hun/Kum chiengin 2nd Executive Committee in Nomination Committee member ding Upa muanhuai leh piching 3 leh layment te apat pawlpi it leh ngaina mama mipiching 2 toh (agawm a mi 5) guat/teelkhieh ahi ding hi. Tualeh, amauten lamkai ding teng leh semtute sepna/upna ding munte tan in ahing guong ding ua, Last Executive Committee in hoitah a en kaiin hoi asah loute aheng thei dinga, Annual Session/Khawmpi a palaite’n apom thei leh pom in, namdetna a bawl ding ua, a pom theilou leh kiteel thaw in apei ding hi. Tuanah Nomination member a kiguot ten kiteelna vai asai pai ding uhi.

TEL DINGTE :-
1. 1) Moderator
2) Deputy Moderator
3) Bishop
4) Director(s) – assembly in a poimaw dan in abawl ding hi.
5) Divisional Superintendent (s)
2. Tam atung a Post-te kiguonthaw alemsih leh akiteel ding hi. tualeh, kiteelna khu Simple Majority ahi ding hi (Vote tam mu penpen china ahi)
3. Tam Nomination Committee in teelthaw a lemlouna aum ding leh Nominate zong a bawl thei ding uhi.
4. Executive Committee member 10 guot/or teel thei ahi.
5. Elective Post tengteng term khu iteel ni apat kum 3 sung ahi ding hi.
6. Elective Post khat mi khat in term 2 (ni) val a kizom in a tu theisih ding hi. Term khat tei akhawl phot ding hi. (i.e. Khil-29, 1-a,b,c, d & e). Hinanlezong Elective Post dangte ah Candidate ahithei ding hi.

Khil – 30 : Kiteelna diing dan

1. MELC sunga kiteelna pouma Secret Ballot ahi ding hi. Tambang a kiteel hun chiengin Vote sui phal ahisih hi.
2. Candidate guondan : Proposal leh Seconded um seselou in, a post toh kituoh a Eligibility Criteria umte candidate khat in a suhbuching nah leh, a Candidate hina pen a paisuoh ding hi.
3. Vote simdan : Election Commissionte’n vote khieh leh sim chiengin panpitu ding mi a chielthei ding ua, tualeh, election result zong Election Commission Chairman in a puong ngal ding hi. Tualeh tam mun a chiel kha hiloute result phuon tan ah koiman Table lam ava subuai thei sih ding uhi.
4. Telthaw nasemte paitheina :
a) Upa leh Pastorte koizong thununna tuoh aumleh, a nasepna uapat khawlsah (suspend) ahi phot ding hi.
b) Telthaw midangte pen a hoilouna leh chitlouna um hi chia mi 2 in hehna thu leh lai a nei uleh, Committee khat pou pou in Vote sethumsuo-seni (2/3) a tamzaw in a paithei ding hi.
5. Mun-awng huhtheina : MELC Pawlpi sung a teelthaw nasemte mun a kal lah a a awn khah leh Ministerial/Executive Committee in a tang a ding poimaw a sah leh a guong ding a Annual Session/Khawmpi in a namdet ding hi.

BUNG – XII

Khil – 31 : Moderator

Moderator diing khu (Senior Pastor = Pastor Ordained ahi apat Kum 10 (sawm) ana ching sate leh Upa Ordain Senior Kum 10 tan ahi ban ah Executive Committee term 2 tan ana pangte candidate thei ahi ding uhi. Tualeh Moderator khu Pawlpi sunga Pawlpi khaitu (Nominal head) ahi.

Khil – 32 : Moderator nasep diingte

1. Moderator nasep diing pipen ahileh, vaihawmna kikhop zatat huoi, kilawm leh dihtah a pui diing leh hun kepsiem diing ahi.
2. Palai/member ni-le-thum thakhat a adin khah chieng un Moderator in a hat masah penpen in thu a gen masa diing hi.
3. Palai/member thugente’n Agenda hilou-thudang gen a a thei leh tua thugenpa khu a tousah thei diing a, midangte a gensah thei diing hi.
4. Vaihawmna hunsung in haam-lepau kilawmlna thanghuoi leh mot-huoi a phal diing ahisih hi. Ama’n zong haam-le-pau kilawm lou leh mi demsietna a zah diing ahisih hi. Tuabang kam pau kilawmlou zang teitei leh thugen teitei aum leh, a thugen lai abawtansah thei diing a, kam nemtah in tou diing in thu apediing hi. Tua tan chienga zong thu manglou aumleh Vaihawmna innpi apat a notkhe thei ding hi.
5. Vaihawmna mun ah Member tamzawte deina banga Thupuasah ahia, Vote lah ngai leh ngailou a enkhe diing a, Thupuasah penpen Palaite thei diing in a puong khe zel diing hi.
6. Vaihawm lai in Moderator in touna a nuasie ding ahisih hi. Nuasie lou theilou ahileh, a thakhel diing in Deputy Moderator in a touna a luo diing a, a hingtun chieng in ama’n aluokia diing hi.
7. Moderator in Agenda a kihawm bangbang in a banban in a puongkhe ding a, suh danglam ding (a nukhiete gen masah, a masate gen nukhie diing chibang hitaleh) aumleh, memberte a dong diing a, memberte phasahpina toh a hei lamdang thei diing hi.
8. a) Office tetoh Vaiguon bawl ahi dungzui in Moderator in Biel a tuonzel diing hi.
b) Moderator in shina/hithei nonlouna khat anei leh Executive Committee masapen in amun luo ding khat aguot ding hi.
9. Executive Committee, Annual Session/Khawmpi te masang leh nua chiengin a poimaw dan zil in Moderator khu Office a kai diing hi.
10. Annual Session/Khawmpi, Executive Committee-te ah Chair a la diing hi.
11. Office te nasep dan adia in sum leh pai dinmunte akul leh apoimaw dungjui in ava enkai thei jel ding hi.
12. Bishop khuolzinna ding toh kisaite ah Tour Dairy Moderator khut ah alut jel dinga atheipi jel ding hi. Tualeh, ava jinna toh kisai a report leh expenditure teng zong theipina abawl jel ding hi.
13. Hattuom hoizaw sem na ding ahina leh akul leh apoimaw dungjui in Executive Committee ahan thei ding hi.

BUNG – XIII

Khil – 33 : Deputy Moderator

Committee leh Vaihawmnate ah Deputy Moderator diing in Pastor, Pastor pension sate ahilouleh Upa namdetsa ahi ngeingei diing ahi. Tualeh Executive Committee a Member Term khat tei pangsa ahi diing ahi.
1. Moderator in umlouna ahiei ahilouleh, hitheilouna a nei leh Moderator touna a luo diing a, Moderator thuneina teng zong a nei diing hi.
2. Office Bearer meeting chiengin chair seat aluo ding hi.
3. Office lamte Program guondan dungjui in Deputy Moderator in zong Biel a tuonzel diing hi.
4. Dy. Moderator khu MELC Office Bearer Committee ah Chairman ahi ding hi.

BUNG – XIV

Khil – 34 : Office a nasemte

Manipur Evangelical Lutheran Church Hattuom vaihawmnate semkhe diing in a nuoi a bangin Office nasem diing a kiteel diing hi.

Khil – 35 : Bishop

MELC Pawlpi sunga Official nasepnate semsuo diing in Bishop khat nei ahi ding hi. Tam Bishop dinga telching a um Pastor penpen khu Kum 3 sung (Term khat) Bishop dinga Consecretion bawl ahi dinga, Bishop hina atuh nawnlou hun chieng in a Bishop hina leh consecretion zong abei ahita ding hi. MELC Pastor khat ahi dungjui in Hattuam/Pawlpi in akoi na mun mun ah Pastor dangte bangin asem ta ding hi. Tualeh Bishop ichi pen apan mun/atouna mun (Post) ahi zaw hi.
1. Chitna diingte :
a) Pastor piching khat ahi diing ahi. (Pastor piching khat kichi khu “Senior Pastor te lah apat khat china ahia, tami Senior Pastor kichi khu Reverend Title nei sate genna ahi”.)
b) Executive Secy/Bishop ding pen Director a term khat (Kum 3) tei tei semsa ahi ding ahi.
c) Secular ah Graduate ahi ding hi.
d) Theology ah BD leh Equivalent. (Tami a tunga a,b,c, d teng in 1st Jan 2015 masanga te a huom sih ding hi).
2. Nasep diingte :
a) Bishop khu Head ahi diing a, Office ah Overall Control leh supervisor na a sem diing a, DDO jong ahi ding hi.
b) Literature and Publication ah maw a paw diing hi.
c) Office nasep dan a pai hoi sem na diing in Bishop in Staff Meeting a neipi zel diing hi.
d) Director-te nasep a telkhalou teng toh
e) Financial Controlling Officer zong ahi diing hi.
f) Development, Relief, Resource, Project leh Programme tuomtuomte jong Bishop in a paw ding hi.

Khil – 36 : Director (s)

Bisop panpi diing in Assembly in kuul leh poimaw asah dungzui in Director(s) Kum 3 sung sem diing Pastor Senior te lah apat teel ahi diing a, tualeh, Director dinga kiteel thei dingte pen Pastor Ordain ahi apat Kum 10 semsa ahi ding hi. Directorte’n a nasepte uh Bishop kung ah a hunhun in Report a pezel diing uhi. Poimaw leh kuul a sah leh Annual Session/Khawmpi in Assistant Director(s) a guongthei diing hi.

Khil – 37 : Director of Ministries

Director of Ministries in tam anuoi a tanvoute a semkhe diing hi.
a) Biel a um Division Superintendentte, Pastor-te, Evangelist-te nasep a en diing a, hoizaw sem leh hat zaw sem a hattuomte hagau lam a a khantou theina diing in enkaitu hina na asem diing hi. Pastor leh Evangelist-te Report zousie ama khut ah a lut diing hi.
b) ELWA, LYF, LCF-te ahat theina diing uh ngaituo in na asem diing hi.
c) A poimaw dungzui in semtute leh Theological Student-te vaiguon a bawlpieh zel diing hi.
d) Khristian Education toh kisai-Sunday School leh a dangdangte a sai diing hi.
e) Pastor-te MELC in pension apieh dinga, semtu dang dang alah te Pension diing thu toh kisai in Committee na ah a pawkhe zel diing hi.
f) Ama Deptt. sunga semtu teng tung ah General Control anei ding hi.
g) Kumsim in Division teng ah D.S. biel Pastor leh Division lamkai ahisih leh Division Committee Member-te toh kimutuona kum khat ah khatvei tei a nei diing uhi.
h) Nasep ngainate hilou a, ama port folio sung a siltha/thutha, hattuom policy toh kisaite aum khah leh Bishop leh Director toh thutanna bawl in, Executive Committee ahisihleh Annual Session/Khawmpi ah a tuttou diing uhi.
i) Bishop in umlouna anei chiengin Moderator theipina toh Bishop mawpuohna ala zel diing hi.

Khil – 38 : Director of Missions

Director of Missions in tam anuoi a tanvoute a sem diing hi.
a) Missionary nasepna lam a hat theina diing leh hagau mangthai tamsem mat theina diing in Missionary tamsem sawl theina diing plan, policy leh programme tualeh suhpichinna na asem diing hi.
b) Ama Deptt. sunga semtu teng tungah General Control anei ding hi.
c) Institution-te leh School te a hoizawh semna diing a ngaituo diing a, Mission field sung a semtute leh Sangseate’n ama khut ah Report a pelut gige diing uhi. Tuaban ah, sangseate Leave a pethei diing hi.
Note :- Tam atung a (b) na pen Director of Institution khat umthei leh chi ahia, hap be ding chi ahi.
c) Statistic/Kisimpina, a kum kum in abawl/sai ding hi.
Field Superintendent (Missions) Mission Department nuai ah MELC Hattuom in kul leh poimaw azah dungjui in Field Superintendent khat aguong thei ding hi. Tualeh anasep ding teleh thanei nate Divisional Superintendent te thaneina teng ajang jel ding hi.

Khil – 39 : Cashier :

MELC Pawlpi sunga sum muna, zahnate kem leh sai diing in Cashier khat a um diing hi.

Chitna diingte :-
a) Mi piengtha, Pawlpi sunga member piching khat ahi diing hi.
b) Sum-le-pai muna leh etkolna lam a siemna neisa, gin um ahi diing hi.
c) Bill teng jousie leh Monthly Financial Report teng a bawl diing hi.
d) Hattuom ngaina leh mi muonhuoi mama khat ahi diing hi.
Nasep diingte :
a) Hattuom sum – Local Church apat sum-le-pai hinglut tengteng leh muna tuomtuom umte a lakhawm diing a zong a kem diing hi.
b) Receipt leh Disbursement, Bills, Monthly Finance Report zong ama khut ah a pai diing hi. Bill (s) a bawlte Accountant in check bawl in a pass diing hi.
c) Hattuom sum Bank a Deposit leh Withdrawal na zong a sai diing hi – Executive Secretary/Bishop leh akisaipi Directorte toh Joint Accounts Operator ahi ding uhi.
d) Budget bawl in Executive Council/Assembly ah a luikhe zel diing hi.
e) Loan Recovery, LIC, Investment fund, Project Fund, Monthly Account Check leh Closed a bawl diing hi.
f) Accountant toh kithuo in Yearly Budget a bawl diing hi.
g) Local chin leh mundang apat Monthly receipt leh expenditure jousie statement a bawl dinga, Account khut ah suokhiet dingin apelut jel ding hi.
h) Hattuam chin apat hi in adang dang Bank tungton apat hitaleh MELC Pawlpi a sum hing lut taphot Cash Book ah record abawl pai ding hi.
i) Bank tungtawn a lut toh kisai atheichetna ding in hachin in Bank Statement ala jel ding hi
j) Bank deposit leh withdrawal zong akisaipi signatory ten suai abol jouchiang un aman asai ding hi.
k) Sum kizang ding taphot bill abawl dinga, workers salaries chilou teng voucher leh sanction in a support ding hi.
l) Local chin apat monthly receipt leh Pawl expenditure statement abawl dinga Accountant khut ah suakhiat ding in apelut ding hi.
m) Kumtawp chiangin ( Khawmpi kivaihom masang in) Annual Statement (Receipt & Expenditure) teng sutuoh in Accountant ah apetou ding hi.
n) Cash Book maintenance hoitahin a bawltup dinga, receipt & expenditure daily closing bawl in Accountan khut ah apelut dinghy.

Khil – 40 : Accountant

MELC Pawlpi sum leh pai hoi semna dingin Accountant khat aum ding hi.

Accountant nasep dingte :
1. Budget head tuam tuama khenin fund allocation abawl ding hi.
2. Cashier natoh dan teng a enkai zing dinga daily closing abawl pen zong verify bawlin Bishop ah suai bawl ding in apelut ding hi.
3. Cashier in monthly finance report statement abawl zong a entup dinga Local Hattuam chinah ahawm kheding hi.
4. Expenditure sanction draft abawl dinga Bishop khut ah suai bawlding in apelut jelding hi, tualeh Bishop in sanction abawl zaw chiang in Cashier in bill abawl dinga tuami bill khu voucher teng leh sanction toh akituah naah leh pass bawlin Bishop khut ah suai bawl dingin apelut dinghi.
5. Kumtawp chiang leh (Khawmpi kivaihawm masang ngei in) Budget Estimate Headwise a bawlin apporoval dingin Finance Commtt. Khutah apelut ding hi.

Etsahna Head khendan ding lehBudget bawldan ding:-
Sl. No. Heads of Alloted Expenditure Saving Excess Amount
Account fund Required
1.
2.
3.
4.
5.
6.

Accountant chitna dingte :
1) Mi piengtha, Pawlpi sunga mi-le-sa ahina kum 10 apat a tunglam hisa mite
2) Sum-le-pai lam sai siamna nei mi
3) Mi chitah leh kukal ahi ding hi.

Khil – 41 : Development Secretary :

Hattuom in poimaw leh kul asah dungjui in, ahun hun in Development Secretary khat aguong thei dinga tualeh Hattuom sunga Development toh kisai-Resources, Relief, Project leh Programme tuomtuom ah panla in maw a paw diing hi. Executive Committee ah a hunhun in Report a pezel diing hi. Bishop leh Director-te toh kithumu in na a sem diing uhi.

BUNG – XV

Khil – 42 : Divisional Superintendent

Divisional Superintendent(s) in tam a nuoi a bang nasepna a nei diing hi.

Divisional Superintendent(s) : Annual Session/Khawmpi in kul leh poimaw asah dungjui in Division a siemtha leh aum sate ah Divisional Superintendent Kum 3 sunga ding in tel/guot ahi ding hi. Tam Divisional Superintendent chitna dingte pen Pastor Ordained Biel a term khat (Kum 3) tei ana semsate ahi ding hi.

Khil – 43 : Anasep dingte :-

1. Division sung kivaihawmna leh Division Khawmpite ah Division Chairman toh kithuo in vai asai ding hi. Tualeh a Division sungah Executive Officer (E.O) ahi ding a, bangkim bawjuitu leh semsuotu ahi ding hi.
2. Anuai a sem Pastor leh Sangsye te nasep a enkai dinga, hateng a Report ama kungah ape jel ding ua, akisaipi Directorte kungah Ama D/S report toh ape sawn jel ding hi.
3. Leave leh Tour Programme phalna apethei ding hi.
4. Transfer & Posting recommend abawl thei ding
5. Anuai a semtute tungah a) Taihilna b) Hasum hensah dingin recommend abawl thei ding c) Ha sum kah pieh dingin recommend abawl thei ding d) Nasem mi khawlsah (suspension) dingin recommend abawl thei ding. e) EB khahsah dingin recommend abawl thei ding,.
6. A Division sunga Hattuam teleh semtute tahsa leh Hagau lam a akhantou sem thei na ding uleh a pichin thei na ding uh ngaituo in a lamkai tawntung ding hi.
7. Pawlpi Kivaihawmnate leh Kipuihuaina (Dan bu) dungjui a sepsuo na dingin thaneina anei ding hi.
8. A Division sunga semtute ahoizawhna ding ahi pouleh akisaipi Divisional Chairman, Secretary tetoh kikum in akisaipi Director leh Bishop lemsahpi na toh Internal Arrangement abawl thei ding hi.

Khil – 44 : Field Superintendent(s) :

Mission Department nuai ah Pawlpi in kul-le-poimaw asah dungjui in Mission Field sunga sem ding in Field Superintendent aguong thei ding hi. Tualeh a nasep ding leh a thanei nate pen Khil-42 & 43 na dungjui in Divisional Superintendent nasep leh thaneinate a jang thei ding hi.

Khil – 45 : Biel Pastor-te :

a) Pastorte’n zong a Biel sung ua School umte leh Sangseate nasepdan a entup diing uhi. Tualeh a nasep dan uh a District Superintendent in a kisaipi Director kungah a Report zel diing uhi.
b) Pastor-te umna diing uh -Station dia a kiguot piehna mun ah a kisuon diing ua, thu kipieh zou hakhat (1 Month) sung ngei a apemlut diing uh ahi.
c) Pastor koizong hakhat sung a, a umna diing mun tungloute khu a law (pay) uh henpieh a thununna pieh ahi diing hi. A mun uh tung in a va-um ngeina uh chi theina diing in a Joint Report uah a umna Local leh Chairman in suoi a bawl ngei diing ahi. Tualeh D. S inzong theipina lai ape ding hi..
d) Pastor/semtu koizong a umna biel leh hattuom toh kilemlouna lientah, hahsatna tuomtuom leh buoina nei aum leh Ministerial Committee leh Executive Committee in a hengkuol thei diing hi.
e) Biel totna ha khat in 1 vei tei atuonsuo ding a tualeh a tam thei pen in Sacrament a hawm ding hi.

Khil – 46 : Local Pastor

Annual Session/Khawmpi in kul leh poimaw asah nate ah Local Pastor akoithei ding hi.
1) Local Pastor khu hattuom khat enkol dia koi leh ngansie ahi.
2) Local Pastor in aumna Local Hattuam sungah tahsa leh hagaulam khantouna leh pichin semna dingin na asem ding a, a enkol ding hi. Tualeh innvena kumkhat sungin atawm pen in 2 vei anei suoh jel ding a, akul leh poimaw dan jil in upaten akithuopi jel ding uhi.
3) Local Pastor khu Ama umna local hattuam LCC ah member hisa ahi ding a, tualeh ELWA, LYF leh Mission Board ah Advisor ahi dinga, Division leh Pawlpi toh kisai a thu leh la um zousie ah Local Chairman toh correspondent ahi ding uhi.
4) Local Hattuam sunga thubuai labuai leh kilemlouna aum chiengin Chairman hina la in ahoi theina ding angaitua ding a, sil bangkim asufel ding hi. “Ama thuneina toh a saifel joulou sil leh buainate khu a kisaipi Divisional Superintendent (D.S/Districtte) tungtawn in akisaipi Director/Committee kung ah atuttou ding hi.
5) MELC kipuihuaina danbu toh kituoh in leh Hattuom Pawlpi kivaihawmna banga sepsuo na dingin thaneina anei ding hi,.
6) Local Pastor leh Local Chairman khu Pawlpi toh kisai in thu leh la tutna (correspondent) ahi ding hi.

BUNG – XVI

Khil – 47 : Hattuom sung a nasem mite

Manipur Evangelical Lutheran Church sunga nasem mite lah a, ahina suh danglam theilou – Pastor-te leh Upate ahi uhi. Pastor leh Upa khiehna/hilchetna khu Mangpa Belampu/Mangpa Belam ching leh vah ahi. Pastor in Biel nei in Mangpa Belamte kem in a enkol diing hi. Upa in hattuom khat sung a Mangpa Belamte kem in a enkol diing hi. Hattuom khat sunga Pastor leh Upa ten -tahsah leh Hagau lam thu toh kisai in hattuom ah hatsem leh khantou sem na dingin pan ala jel ding uhi.

Khil – 48 : Pastor-te nasep diing

1. Mangpa belamte hagau ann a vah leh thu-le-la toh kisai nasep khu a thupipen ahi. (Jn.21:15-17; Nas. 6:2-4; 20:28)
2. Mangpa belam taimangte suikhie a, Khrist huongsung a puilut kia diing (Dan. 12:13; Mt. 18:11-14; Jac.5:20).
3. Hagau mangthaite it a, amaute itna toh suikhie a, gim leh genthei khahsalou a Pasian thu a hil diing (Late 125:5,6; Sai 53:6).
4. Pasian thu kukal tah a gen a, a hun leh a hunlou a zong pilvangtah leh lungduoitah a kiveng siem a thugen, taihil leh phawh a; gimthuohna khawsalou a sawltah hina nasep leh mawpuohnate buchingtah a sep diing (II Tim. 4:2-5).
5. Jesu Khrist thu : Thugousie – Baptistma, Mangpa nitah ann, Kiteenna, Shivuina, Biehinn honna leh latna, naulatna leh a dangdang bawl diing leh sai diing (Mt. 28:19,20: I Kor.11:23-26)
6. Hattuom sunga vaihawmna leh thununna thu ah Upate toh kituoh a nasep bangkim guonkhawm leh sepkhawm diing (I Kor. 5:11-13).
7. Pasian sum kem a pangkhate’n muonhuoi tah leh siengthou tah a kep leh kisuh siengthou diing (ITim. 6:20).
8. Hattuom sung leh biel sunga sep diing a na kiguong zousie kituptah a sep leh a sem diing a kiguot mite sep diingte zong kituptah a endih a, biel sunga nate kituptah a sep leh bawl piching ahitheina diing a enkol leh kem diing (Mk.6:7-13; Heb.10:25; I Thes.5:17).
9. Hattuom thuginpi hoitah a kem a, hattuom mite’n zong hoitah a kem a zang diing a sinsah diing. (Heb. 10:23)
10. Hattuom sung tahsa lam vaihawmna leh hagau lam ann a vah a, buchingtah a keptheina diing a Local Hattuom toh kithutuoh tah a semkhawm leh hattuom mite nasep diing guondan siem diing (Nas. 6:2-4). Hagau silpieh dungzui a midangte nasem thei diing a sinsah tup diing.
11. Pasian kunga silpieh leh sillatte, lungdam tah a pieh dan leh a piehte uh Pasians biehna a kilawm tah leh bawl diing mawng ahi chi sinsahna pie a lamkai diing (Late 24:24; Mal.3:10; I Kor.16:2; II Kor. 9:7).
12. Tuohkhawm mawngmawng ama khut in a zangsih diing a, Upate ahilouleh Local Church Committee khut ah a sai diing hi, Hinanleh, mi hoi kitahsapna munte ah sum-le-pai zong a saithei diing hi.
13. Thuneina a nei bangbang in mawpuohna zong a nei hi chi kithei kawm in Khristian zousie Khrist theipitu leh nuazui muon huoitah diing in a sinsah diing hi. (Mt. 20:26-28; 21:19,20; I Kor.9:8)
14. Thu hilna lamsang poimaw ngai diing ahi. Hundamna thu maimai hilou in tahsa lam thu zong a ngaisah diing hi. Nupa kituohloute bang lemna thu genpi diing, kiteng diingte bang houlimpi diing, kitenzaw chienga kilawmlou tah a umlou diing thute bang ahithei tan a houlimpi diing.

Khil – 49 : Pastorte mihina diing a chitna

1. Pastor diing khu mi muonhuoi/muon-ngam ahi diing ahi. Khristian hiloute nangawn in a phat leh a pahtat mi ahi diing ahi (Nas.20:26-28; I Tim.2:2-5).
2. Gen baanglou, zi khat nei, kidehthei leh mi dihtat, mi pahtat dan siem, zindou siem, thuhil siem, zu dawnlou kihau hatlou, sum deigawlou, mi thuohhat, nunnem, mi sol hatlou, ama innsung leh a zi-le-tate kem siem mi ahi diing ahi. (I Tim.2:2-5)
3. Tahsa upat lam a, pichingsa ahi diing ahi. Tualeh, hagau lam leh leitung khosahdan leh hindan ah zong vantang mitmu a pahtat kham ching leh zuitah ahi diing ahi (I Tim.3:6,7)
4. Tahsa leh lungsim sienthouna diing; tualeh, leitung nate a navah ahi theina diing in laisiengthou maimai hilou in laibu leh lekha dangdang sim mi zong ahi diing ahi (I Tim 4:14; II Tim.2:15; Phil.4:10; I Jn.1:3)
5. Mawpuohna thei a hangsan; hinanleh, mi kidehthei leh kamsiem ahi diing ahi. (Eph. 5:15)
6. Sum deigawna a buoilou, a nei sang a sangzaw a hinglou leh sum chil teptup mi ahilou diing ahi. Pasian leh hattuomte itna nei mi leh hagau siengthou a dim ahi akul hi. (Deut.6:5; Lev.19:18; Pro. 11:24; Jn.4:7-18; I Tim. 3:6-10; Eph. 5:18; Gal 5:22; I Kor. 13:1-13; Kihil 3:19.
7. Pastor diing khat khu tahsa a mi chidam leh muonhuoi zong ahi ding ahi.

Khil – 50 : Probationary Pastor(s)

A. Probationary Pastor kichite pen Pastor piching hina diing a kisinsahna hun ahia, Pastor pichingsa khat nuoi ah a sem diing hi.

1. Probationary Pastor siemdan diing :
Pawlpi nasem koizong Pastor dinga Ministrial/Executive Committee in a etchet nua a, Annual Session/Khawmpi a namdet dinga kiguot mi khu namdet ahi masang teng Probationary Pastor ahi ding hi.
a) Annual Session/Khawmpi in hattuom sungah Pastor khat poimaw ahi chi’n a puong diing uhi. (Post Creation a bawl diing hi).
b) Tua Pastor mun awng pen khu Ministerial Committee tungtawn in leh Executive Committee in a bawzui diing a, Pastor lahna diing in Screening Board bawl in Interview a chingte Annual Session/Khawmpi ah Ministerial/Executive Committee tungtawn in apetou diing hi.
c) Tam Pro-Pastor la na dingah Ministerial/Screening Board te’n Pro Pastor la dinga Post creation a bawl dungjui a Khawmpi in pha asah leh Ministerial/Screening Board ten Executive Committee ah ang polut ding ua, Executive Committee in ordained piehthei dinga recommend abawlte bou khu pieh ahi ding hi. Tam Probation period khu Khawmpi in pha asah a Pro-Pastor dinga ala ni apat Kum 3 achin chiengin Ministerial Commiittee tungtawn a Executive Commiittee in recommend abawlte pieh ahi ding hi. Tualeh Probation period Kum 3 sungin biel tuomtuom ah suonthei ahi ding hi.
2. Probationary Pastor ding khu MELC Recruitment Rule dungjui a Theological training zousa ahi teitei ding ahi.
3. Pastor diing khat khu tahsa a mi chidam leh muonhuoi zong ahi diing ahi.
4. Pro-Pastor nasep ding dan : Pro-Pastor khu Pastor panpitu ahi ding hi. Bial Pastor leh awptu Pastor nuai ah na asem ding hi. A nasep ding tekhu –
B. i) Toh leh tham sepna ah / Sep leh bawl ah :
a) Kitenna thu ah : Pastor in kitenna nasep anei hun chiengin apanpi ding ahi. Rehearsal hun te ah, Pre-merital/merital counselling hunte ah arrangement kulnate leh Pastor in panpih kul a china munte ah a panpi jel dinga Biahinn leh pindan a kitennate ah a uap jel ding ahi.
b) Mishi vuina ah : Mishi vuina ah Pastor panpihna mun ding tam sih nanleh Pastor training ahi jiehin a bawl a sep dan ding bangkim a theichet na dingin Pastor bul ah a up jel ding ahi.
ii) Sepna tuomtuom ah :
a) Crusade, Camp, Training, Seminar etc neina hunte ah : Pastor in a bial sungah Crusade, Camp, training Seminar etc a sai hun chiengin, a sai pihtu a hi ding ahi. Arrangement thu ah councelling thu ah mi hankhawm na leh Pastor in mawpuohna a pieh bang jelin a panpih ding ahi.
b) Hattuom ni tan na leh hun sehtuom zatnate ah :-
Hattuom in nitan leh hun sehtuom anei na hunte Day/week zahna hunte ah, Pastor tanvou deuh in koita lei, Pastor amanlou chieng bang, a ki daihlou hun chieng bang hi lou leh Pastor in a tanvou a piasawn chieng in hun atang ding hi. Hun tangsih nanleh meeting Chairman/Conductor in a tanvou a pieh sawn chiengin hun a tang ding hi. Hun tangsih nanleh meeting chairman/conductor te a pang in Pastor a uap ding ahi.
c) Counselling bawlna ah : Sepgual hun/na mun te hilou a personal counselling neina mun te ah apanna mun ding kilawmna mun ah Pastor jui in a panpih jel ding ahi.
iii) Sacrament (Mangpa nitah ann) leh Baptisma bawlna mun ah :-
Sacrament leh Baptisma bawlna leh tan na munte ah Pastor nasepna theipih dingin a uap ding ahi.
iv) Hattuom vehna mun ah :
a) Baptisma tang nailou akan dinga, baptisma tang dinga a lemtang hun ah Pastor leh Upate kungah genin Baptisma tan hun ding abawl ding uh ahi.
b) Hattuom thununna nuai a um/Dan pua a umte a dinga, hattuom theipih a/pindan a kiten ding dan a ngaihtuah pih ding a, bawlthei ding ahi chiengin Upate leh Pastor kunga gen in, kiten tha dan lampi a bawl ding uhi.
c) Pastor in hattuomte lam tuomtuom ah kan ding veh ding a chi bang bangin a kan in aveh ding ahi. Hattuomte a vehna a ama ngentang a hasatna um a athei leh Pastor kungah agen ding a, Pastor lamkaihna in ani un a vel jel ding uh ahi.
v) Pro Pastor, Pastor ordination piah hun ding a recomend ding dan :-
MELC Service Rule ……… dungjui a lasa probation hun a zawh chiang leh tam banga bawl ahi ding.
a) Pro Pastor khu Division committee in ama kemtu Department Committee a hiai in recommend a bawl dungjui in Ministerial Committee in a ngaitua dinga, Pastor piching a ordination pia ding pha asah leh Executive Committee in angaitua dinga pha asah leh MELC kipuihuaina dungjui a pia ding ahi.
vi) Recommend thei dingte :-
a) MELC Kipuihuaina dan dungjui a, a Kum a chin chieng leh
b) MELC sung ah Kum thum sanga tamzaw semtu ana hi ahileh, Pro Pastor ahina Kum khat zaw chieng leh
c) MELC sunga Kum thum sanga tawmzaw ana semsa a hi leh Departmental Promoter a sep kum sung gawm a Kum thum zaw chieng leh
d) MELC sunga sem kha nailou (Service) nei lou ahileh Kum 3 zaw chieng a ordain theipan ahi ding hi.
vii) Pro Pastor in ordination ahi ma sang Pastor form a silthei sih ding hi.
viii) Pro Pastor te panthei nate :-
a) Local Church Committee member a upna mun ah
b) Division Khawmpi ah
c) Division LYF
d) Abial sunga Khawmpi tuamtuam ah
e) Kumtawp Khawmpi ah.

ix) Bawllou dingte : Baptisma / Kiteenna / Annsiang / Naulat / Inn lat / Sivui /Guolzawlna

Khil – 51 : Sawltah

Sawltah khu hundamna thugen mi ahi ua, Pasian awiloute Khrist itna toh thuhil a, Ama kunga puilut sawm a thugente ahi uhi. A nasep ukhu Apostle-te nasep ahi hi.

1. Sawltah hi diing in Pasian hatna leh mimal Pasian thuhil ahiei, mipi chielpina, panpi ngaite panpi thei mite a dei huoi hi.
2. Sawltah chi khu nasepna min ahia, Upa leh Pastorte chitna bangbang nei mi a dei huoi hi.
3. Sawltahte khu Jesu Khrist khantanhoi gen a Khrist a diing a theipitu leh hagau mangthai sui a man ahi diing ahi. Hinanleh, Local hattuom kivetuona nasep hilou a, tawmngaina jieh a vah mi a umthei tah jiehin, hattuomte’n Sawltahte mi hina tam anuoi a bang a pilvang tah a etchet a kul hi.
a) Ama umna Local Hattuom ngaisahlou.
b) Hattuom leh Head Office in a sawl hilou; tualeh, phalna pieh zong hilou.
c) Laisiengthou thu a valval a gen a deikai, khelna thu leh mihing piendan thute, guolzou hinkhuo thute hil leh sinsah a, a umsa hattuom lamkaite leh Upate demsiet nuomsate.
d) Hattuom biehna leh kipawlkhawmna ngaisahlou a, kipawlpi thei tuom bawl a, hattuomte nuoisie leh dembawl a, a sangzaw leh a thuhzaw mu a kigen.
e) A umna hattuom kikepna leh vaihawmna subuoi. Tambang mite zahlou a hoizaw hi. Amaute’n hattuom a tungding sih ua, a khenzah zaw uhi. (Mt.7:15-20; Nas.20:29-31; Eph.4:1-32; I Jn. 4:1)
4 0. Chielpi ut a tawmngaina toh kuonkhe ut zousie lai mawhpieh diing ahisih hi. Pawlpi mi hiloute zong, theichienlou a lai mawhpieh paipai diing hilou hi.

BUNG – XVII

Khil – 52 : Ordination Thu

MELC Hattuom in Ordination a piehthei diing khu tam anuoi a bang ahi.

1. Local Church Committee in Upa diing a atel mite.
2. Annual Session/Khawmpi in a phatsah Probationary Pastor a kum 3 tei nasem sate.
3. Tualeh Ordination pieh hitananleh uh Pastorte pen Ordination atan ni ua pat Kum 10 tan asep zou chieng un Reverend title pieh thei pan ahi ding uhi. Khumi masang teng Pastor chia hat leh gel ahi ding uhi. Kum 10 achin chieng un Khawmpi in akisaipi Committee te recommend na dungjui in Reverend title pieh ahithu aphuong khe ding hi.
4. Hattuom sunga mi, Hattuom pulam a sem ut MELC Recruitment Rule dungjui a Theological training neisa Ordination tang ut ten Bishop address in ama umna local church leh Division tungtawn in ngetna lai abawl dinga, local church committee in Division committee ah apetou ding a, Division ten Head Office ah Bishop kungah ape ding uhi. Tuachiin Ordination Certificate hawmkhieh/issue ahi ding a, a interview na alawchin/a sepna a join ding chiengin Ministerial leh OB theipina in Ordination pieh ahi giap ding hi. Tambang miten MELC huong sunga sepna a claim ut uleh a experience na uh set thei ahi sih dinga, fresh te bang banga treatment pieh ahi ding uhi.

BUNG – XVIII

Khil – 53 : Hattuom Upate

Hattuom Upate zong Pastorte mabang a Local hattuom sung a Mangpa belamte enkol, kem leh vahte ahi uhi. Local hattuom a Pastor toh umkhawmna munte ah Upa in hattuom sung vaihawmna thu-le-la lam ah pan a la diing a, Pastor umlouna munte ah Upa in hagau lam nasepna ah mangpa belamte ching leh enkol in Pastor, hagau lam toh kisai in Pastor nasep bang bang a sem diing hi.

Khil – 54 : Upa diing a chitna

Upa diing a chitna pen Pastor a toh akibang hi.
1. Hattuom Upa ding pen Hattuam khat sunga Local Church Committee te lah apat tel ahi ding, hinanleh LCC ahi vang in
a) LCC hina term thum / kum thum teitei ana tusate ahi ding uhi.
b) Bung XXIX Khil-98 (1) (a), (b) & (c) na in asuhkhate LCC hinanleh Upa candidate hitheilou ding; guon zong guon lou ding ahi.
2. Zatathuoi, kamtam lou, mi suhtuo chinglou.
3. Zu leh khamthei sil bawllou leh lepna dihlou dei a huoiham mi hilou, sawm-a-khat dihtah a pe zing sie-le-pha theina siengthou a ginna thuguh kem mi leh gen baanglou ginna lam a mi piching ahi diing hi.
4. Zi khat nei, tate leh innsung a vaihawm siem leh navah a zi-le-tate zong zatat huoi, mi gensiet chinglou, kidehthei leh bangkim a muonhuoi ahi diing ahi. (I Tim. 3:1-12)
5. Innchin tuon velvel a, damlou, chimaw leh lungkhamte leh panpi ngaite panpi leh henem siem (Nas. 12:20) Hagau a dangtah leh gentheite kaithou a Jesu melhoina kilawm sem a, a mutheina diing ua lampi kawhmutu ahi diing ahi.
6. Hattuom Upa dingin Hattuam dan kal a ji ni nei sate LCC member hinanleh candidate ahi theisih ding hi.

Khil – 55 : Hattuom Upa tel dan diing

1. Hattuom khat sung a dan zoukim (Vote neithei) mi 15 apat a tunglam a umleh hattuom Upa khat a neithei diing uhi.
2. Hattuom khat in hattuom Upa a dei leh a Division Kumkai Khawmpi ah ngetna a nei diing uhi. Division Khawmpi in pha asah leh Annual Session/Khawmpi ah a petou diing a, Annual Session/Assembly in pha asah leh a tel diing in Pastor khat leh Upa khat a sawl diing hi.
3. Upa telna ah Vote sethumsuo-seni (2/3) mu penpen a ching a puon ahi diing.
4. Hattuom khat a Upa a kitel diing chieng in a hattuom sung a dan zoukim (Vote neithei) a kimkhat sang a tamzaw a um leh a telthei diing ua, a kimkhat sang a tawmzaw a umleh a telthei sih diing uhi.
5. Upa telte’n a telching uleh a telchinglou dan uh a kisaipi Director kung ah Report a kinthei lam in a pe diing uhi. A kitelchingte Annual Session/Khawmpi ah namdet ahi diing uhi. Hattuom nasem sa, thununna thuohsate Upa diing atelthei ahisih diing hi.
6. Hattuom Upa namdetsa khat khodang a apem leh, a pemlutna hattuom ah Upa ahina a kenglut theisih diing a; hinanleh, Upa ahina pen a bei theisih diing hi (Pawlpi vaihawm leh nasepnate ah).
7. Hattuom Upa khat hattuom dang a a pemlut a, a pemlutna hattuomte a Upa hina nasep alung gul leh kingetna lai ape dinga akingetna hattuomten angaitua pieh ding ua, Division tungtawn in Annual Session/Khawmpi ah ngetna a pe diing a, Annual Session/Khawmpi in pha asah leh phasahpina/phuonkhiehna a nei diing hi.

BUNG – XIX

Khil – 56 : Sacrament (Thugousie)

Evangelical Lutheran Christian Church, Manipur in Thugousie 2 a kinei hi. Tuatekhu – Baptisma leh Mangpa Nitah ann ahi. Tam Baptisma leh mangpa Nitah ann pen hattuomte kunga thugousie siengthou leh zah/chiin diing a thupieh ahia, Laisiengthou dungzui a bawlzel diing ahi. Baptisma leh mangpa Nitah Ann pen namdetsa Pastorte’n a saithei giap diing uhi.

Khil – 57 : Baptistma

a) Tam Baptistma in Mangpa jesu Khrist shina leh thawkiana a ensah hi. Piengtha mite’n mangpa Jesu shina leh thawkiana leh hagau siengthou toh hinkhawmna etsahna a tan ahi. Baptistma in pienthana a petheisia, piengthasate sie-le-pha theina siengthou toh thuchiemna ahia, guolzawlna tan theina dia Pasian se leh vanzah khat ahi.
b) Baptistma tan chieng in tui zah ahi. Mangpa Jesu thupieh leh nuazuite’n a na zui uleh zah uh ahi (Mt. 28:19; Mk. 16:15, 16; Nas.2:41; 8:36; 10:47, 48). Baptistma pen tui a phuum ahia, a mun leh a hun zil in tui buohthaw zong ahithei hi. Hinanleh, hahsatna talua a umlou leh tui a phuumthaw khu deitel dan ahi.
c) Baptistma pen piengthasa mite’n a sie-le-pha theina utoh a tan uh ahi jiehin Baptistma pen tankia zelzel lamet thei ahisih hi.
d) Sie-le-pha theilou naungeh leh naupanlai a na tangkhate’n sie-le-pha a theinua ua (a letnua ua) hing piengtha a, a tan ut kia uleh a tangthei kia diing uhi. Tuajiehin, sie-lepha thei nailou leh ama deitelna a Jesu Khrist Mangpa leh Hundampa diing a pomthei nailoute Baptisma tansahlou ahoi diing hi.

Khil – 58 : Mangpa Nitah Ann

a) Mangpa Nitah Ann (Kipawlkhawmna siengthou) leh Wine pen Mangpa Jesu hingpei kia masang, a shina leh a thawkiana theizingna leh puonzahna diing a bawl ahia, tuachi’n, mangpa toh hagau a thahsuoh zel na leh a guolzawlna tanna zong ahi hi.
b) Tam Mangpa Nitah Ann a tanghou pen in Mangpa Jesu tahsa pumpi mi giloute leh khielte diing a liem leh kisegawp a ensah a; tualeh, Wine in Mangpa Jesu sisan mi giloute leh khielte ngaidamna leh sawpsiengna diing a hing luongkhie thuhun sisan etsahna ahi.
c) Mangpa Nitah Ann pen Mangpa jesu thupieh bang a Khristiante kipawlkhawmna siengthou leh dan zui kimna ahia, Khristian innkuon annkuong a hi hi. (Lk.22:19,20; I Kor.1:23-25). Baptistma tangsa daan zoukimte’n tam annkuong a imm thei diing uhi. Thununna nuoi a um mite’n a imm theisih diing uhi.
d) Annsieng toh kisai ah Baptistma tang nanleh piching a pomlut ahisihleh/ahimasia sacrament a nethei sih diing hi. (Piching a pomlut kichipen Kum-15 ching china ahi.)
e) Mangpa Nitah Ann a kizang Tanghou leh Wine in Mangpa Jesu tahsa leh sisan eite tang a pieh – i hinna leh damna ahi chi etsahna ahia, i hagau damna ann leh guolzawlna ahi. (Jn.6:48; I Kor. 10:15-17; 11:26)
f) Tam Mangpa Annsieng Siempi tungtawn a Pasian kunga latkhietna anei toh kiton in a ne a dawn jousie khu Mangpa Pasian in Hagau in pawl/impi jel hi.

BUNG – XX: Financial Rule(s)

Khil – 59 : Finance Policy

1. Executive Committee, Kumtawp Khawmpi/Annual Session ahisihleh, thuneina kipie Committee ahiei, Lamkaite ahiei in Manipur Evangelical Lutheran Church sum muna diing a Thupuasah dungzui in sum-le-pai leh mimal silpieh dang dang leh sum pung leh muna zousie apat a mute khu Manipur Evangelical Lutheran Church sum ahi.
2. Manipur Evangelical Lutheran Church, Headquarter ah piehkhawm/lahkhawm ahi diing hi. Annual Session/Khawmpi in thunei diing leh a sai diing a, a guotte’n Financial Rule(s) toh kituoh in a sai diing uhi.
3. Division leh Localte’n amau Division leh Local sunga zahna diing a nei dungzui un Division leh Local in sum a tuom in a kineithei diing ua; hinanleh, tambang sum in Pasian sumpi/Manipur Evangelical Lutheran Church sum a sukha theisih diing hi. Tambang Division leh Local a sumte zong Pawlpi a ahi veve hi. Divison leh Local in a sai diing a a guotte’n a sai diing ua, Audit zong kumkhat in nivei teitei a bawl diing uhi.
4. Manipur Evangelical Lutheran Church sum toh kisai pouma Head Office a kipan Receipt Bu zang a pieh teitei diing ahi.
5. ELWA, LYF leh Missionte’n zong Receipt Bu a tuom a sunlou in MELC a akitang diing uhi. Hinanleh, head tuomtuom a khen ahi diing hi.
6. ELWA, LYF leh Missionary sumte khu amau Department toh kisai lou ngal a dang a zah thei ahisih ding a, hinanleh aloutheilou zahna ding (Hattuom toh kisai a) aum chiengin a Dept. te theipina toh zah ahi ding hi.
7. Manipur Evangelical Lutheran Church phalna um masalou in Manipur Evangelical Lutheran Church sung a mite lah ah Pawlpi pulam leh sunglam; tualeh, sildang mawngmawng a zah diing sum-le-pai don phal ahisih hi.

Khil – 60 : Sum sai dan diing

1. Hattuom member koi inzong tuohkhawm leh silpieh mawngmawng sumtang hihen, van hitaleh Biehinn kikhop ni a tawikhawm a Pasian masang a latkhawm chiet hileh a hoi diing hi. Bu-le-bal ahisihleh ganta, Biehinn sung a tawi lemloute zong hattuom Upa leh Treasurer hatkhawm a akoina diing mun a koi ahi diing chieng in Pasian kunga lat hileh a hoi diing hi. Biehinn sunga tunglou, tualeh hattuom leh sum saite theiphahlou a mimal khut a pieh mawh a, hattuom khut tungloute tuohkhawm pie a kisim theilou diing hi.
2. Sum, silpieh leh tuohkhawm zousie sum saipa in a lakhawm diing a, Head Office apat Receipt Bu a lahte toh Receipt a pe paipai diing hi. Tualeh Head Office a lut dingte khu hentang den lou in apelut paipai ding hi.
3. Sumtang hilou a, a van a tuohkhawm hinglutte khu a van bangbang a Receipt pieh phot ding ahi. A sum a tuot leh sum suoh masang a Receipt piehlou mawh a koi diing ahisih hi. Sumtang a kipete leh a van a kipete Laibu (Register) tuomtuom in a chiemte diing hi. Vante sum suohsahna diing in Local Church Committee in a sai diing hi. Tua laibute ah sum pete min, Receipt Number leh a piehza hoitah a gellut diing ahi. Sum muna Laibute gelthang nieinuai diing ahisih hi.
4. Tuohkhawm van a kipie, sum suotheiloute khu Head Office a theisah ahilouleh hah mai diing ahi.
5. Ha thum dan in LCC in hattuom sunga sum um tuomtuomte; sawm-a-khat, nipi tuohkhawm, anntang ham leh a dangdangte etkhawmna a neizel diing ua, sum saite’n tuabang a etthei zel diing a akoi diing uh ahi. Bawlkhel aum khah leh a sawtseng masang a suhdih ahi theina diing in.
6. a) Hattuom sung enkol LCC te’n kumteng in kumkim leh kumtawp lam chiengin (Half Yearly leh Annual Audit) sum endih diing (Auditor) mi a guot diing ua, tuate’n hattuom sung a sum um teng a endih diing ua, tuachi’n hattuomte thei diing in a puongkhe diing uhi. Sum Muna leh Zahna zousie (i.e Cash book, Vouchers etc) zousie etdih ahi nua inzong kum 3 sung tan beh koi nahlai diing ahi.
b) Local Hattuom sunga sum lam toh kisai a buoina a umleh Division Office ah a report ding ua tualeh Division ten asaifel dan ding angaituo ding uhi.
7. Division : Division ah zong sum-le-pai thu ah tam a tunga Local sum saidan diingte khu zui ahi diing hi. Tualeh, Head Office a sum saite toh kithuzah leh bawl diing dan kihiltuo, kilamkaituo diing ahi.
8. Local chin in Annual Audit Note leh khumi kum sunga Receipt Bu a zah teng uh, Head Office ah a submit zel diing uh ahi. Audit Note Copy pen Division Committee ah zong ape diing uhi.

Khil – 61 : Hattuom sum muna

1. Sum lut zousie Cashier in Hattuom min in a lakhawm diing a, Receipt a pe paipai diing hi. Tuazou chieng in Ledger/Cash Book kitup tah in a giellut diing hi. Tualeh nichin in DF/Accountant toh sum lutna leh paihna a entup gige diing uhi.
2. Accountant in Ledger/Cash Book ah kituptah mai in a entuoh diing a, sum mute chiemtena laidal ah suai a kai diing a tuazou chieng in Ledger Bu toh Cashier kung ah a nuapieh kia diing hi.
3. Kal teng in Account Closed ahi diing a, Bishop in endih in suai a kai diing hi.
4. Finance Controling Officer/Executive Secretary/Bishop in Hachin in Hattuom sum khut a umza etna (Physical Cash Verification) Bank Balance toh etdihna a nei diing hi.
5. Sum mute zousie a kinthei pen in Bank ah MELC Hattuom min in a koi pai pai diing hi. Ni thum sang a tamzaw/sawtzaw a khut ah a kem sih diing hi.
6. Thukin lakin a dingin Cashier in Rs. 10, 000/- bang hunlai pou in akemzing ding hi.

Khil – 62 : Pawlpi sum zahna

1. MELC sum zahna pouma Pawlpi Budget sung apat zah ahi diing hi.
2. Sum zahna diing pouma Sanction Order (zah phalna) a um diing ahi.
3. Sum zahtheina diing Order (phalna) a umzou cheingin Bill Clerk in Bill a bawl diing a, Accountant/DF in endih in suai a kai diing hi. Tuazou chiengin Cashier in apethei dinga zah (pieh) ahi thei diing hi.
4. Sum zahna pouma cash memo/Voucher in a zui diing a, tua Cash Memo/Voucherte kum 3 sung kep diing ahi. Tualeh, sum zahna chiemtena Cash Book leh Ledger hoitah a kep diing ahi.
5. Sum Balance um leh umlou zil in Finance Controling Officer ten Non-recurring Expenditure pieh leh hentang theina thuneina a nei diing hi.
6. Budget sung a sumte Head khat apat Head danga suontheina thuneina (Diverting Power) Finance Committee/Executive Committee maimai in a nei diing hi.
7. Bill Form chi tuomtuom a poimaw dungzui in a um diing hi – Salary Bill Form, Contingency Bill Form, Stationery Bill Form leh a dangdang.

Khil – 63 : Head Office ah

1. MELC sum pouma kumteng in a tawmpen in 2vei (Half Yearly i.e. 1st Dec – May 31 leh Annual Audit i.e. 1st Dec – 30th Nov) tan etdih ahi diing hi.
2. Finance Controlling Officer in poimaw a sah leh sum etdihna (Surprise check) abawl thei ding hi.
3. Finance Committee/Executive Committee in Audit diing mi 3 tan a guot zel diing hi. Tualeh, Audit kibawlte Executive Committee leh Annual Session/Khawmpi ah puohlut ahi diing hi.
4. Division : Division sung ah zong tam a tung a bang in Audit bawl ahi diing.
5. a) Local : Local hattuom ah LCC te’n a poimaw dungzui a sum etdihna (Audit) a bawl ban uah, kum khat a 2 vei Audit diing mi guot in a endih diing ua, Head Office ah sum umte a pelut paipai diing uhi. Pawlpi sung ah Local hattuom khu a poimaw pen ahi jiehin, Financial Year beima (March ha beima) ngei a Local chin in Audit a zawsieng chiet diing uh ahi. March 31 tan a Head Office ah sum umte a pelut ngei diing uh ahi.
b) Local chin sum muna leh paina zousie audit abawl teng un Head Office ah copy khat apelut zel ding uhi. Tuaban ah Head Office in D/S te tungtawn in apoimaw leh kul dungjui in local sum dinmun a enkhe thei ding uhi.
6. Audit dan diing tangpi
a) Auditor diing mi a kiguot chiengin etdih diing a deidan, Report pieh diing dan chientah a theisahna toh guot diing ahi.
b) Receipt Bu kizang beiloute a kizahkia diing chieng in Auditorte’n hoitah in Authorise leh Certified a bawl ngeingei diing uhi.
c) Local leh Division a Receipt Bu kizangsa zousie a saite khut a mawh thamdenlou in, Head Office a Finance Department/Concerned Director a piehlut kia (hahkia) ngeingei diing ahi. Receipt Bu zahbeilou kizangkia diingte Head Office in a tha issue bang a, a chiemte diing ahi.

Khil – 64 : Financial Year (1st Dec – 30 Nov)

1. MELC Head Office, Division leh Local hattuomte’n Financial Year a kibang in a nei chiet diing uhi. Tuapen 1st Dec – 30 Nov ahi diing hi. Tam hun sunga tuohkhawm lut zousie kumkhat sung a lut a sim ahi diing hi.
2. Local hattuom chin in a sum muteng uh November ha beima ngeingei a Head Office a a piehlut diing uh ahi.

Khil – 65 : Travelling Allowance

1. Pawlpi in a poimaw leh kul jieh a mi a sawl khah chieng in a peina mun leh hun dungzui in TA/TE a pe diing hi. Tami thu toh kisai Cashier in Sanction Book khat hoitah a a kep diing ahi.
2. Auditorte nitha Rs. ………………… tuot a pieh ahi diing a, Committee tuomtuomte leh Executive Committee memberte Sitting Allowance zong Rs. ………………….. pieh ahi diing hi. Tam nitha bangza diing a hiei chipen Annual Session/Khawmpi Thupuasah dan zil ahi diing hi. Tua mabangin Auditorte nitha zong pieh ahi diing hi.
3. Hattuom venate ah Pawlpi nasemte’n TA/TE a muthei sih diing ua, Special Program a, a tuom a siem ahileh Special Case a sawl a umte a hun leh a mun toh kituoh in TA/TE piehthei ahi diing hi.

Khil – 66 : Sanctioning Power

1. Office ngaina dungzui in sum-le-pai zahna tengteng DDO in Sanction Order (zah phalna) a suo diing a Cash Clerk/Bill Clerk in Bill a bawl diing hi. Tuachi’n Accountant in endih in suai a kai diing a, tuazou chiengin zahthei ahita diing hi.
2. Office ngaina dungzui hilou (Incidental Expenses) a sum zahna diing a um khah chieng in Budget huomsung hinanleh, anuoi a bang in thakhat thu in zahtheina thuneina a nei diing uhi.
a) Executive Committee – Budget sung apat in sanction abawl thei ding hi.
b) Executive Secretary/Bishop – 10, 000/- ahi dinga atunglam Rs. 50, 000/- tan Office Bearer tungtawn a zah thei ahi ding.
Emergency a diing ahi jiehin a zahdan Finance/Executive Committee ah Report a bawl diing uhi.
3. A tunga sum, a mutu diing a kingaituote pieh ahi chieng in Executive Secretary/Bishop leh a latu/mutu in suai a kai ngeingei diing uhi. (Register Bu leh Kinoptuona Lai)

Khil – 67 : Discretionary

Discretionary pen Moderator, Bishop/Executive Secretary leh Director ten koitobang mimal panpi ngaite kungah khatvei thu a diing in Rs. 500/- apat Rs. 1,000/- tan chieng tuoh pieh theina tha a nei diing uhi. Hinanleh, Pawlpi, Club leh Hattuom ban ah kipawlkhawmna min nei khat poupou kung ah a pethei sih diing hi. Tualeh tami sum pen ahun jilin Khawmpi in sukiem in zong abelap thei ding hi.

BUNG – XXI
(Service Rule)

Khil – 68 : Na guonna leh a sem diing mi lahna

Manipur Evangelical Lutheran Church sunga semtute khu khenni a siem ahi ding hi
1. A) Ministerial : Tam Ministerial Staff tekhu Pastorte leh Evangelist te ahi uhi. Annual Session/Khawmpi in Post Creation abawl dinga tuate luo dingin Board/Committee guot a umte’n DPC han in nasem ding mi asui ding uhi. Tualeh tambang a sem ding mi akilah chiengin Kum 3 teitei Probation Period pieh ahi ding a, tuazaw chiengin asepna ua amuonhuoi na uleh, ordained/regularise ahi ding ua, pension sum sang thei/pensionable ahi ding uhi. Tualeh tam Ministerial Staff tekhu adieh a Pastorte genna ahingal ding hi.
B) (i) Non-Ministerial Staff/Clerical Staff : Tam toh kisai a mun awng ahing um chiengin ahisihleh Annual Session/Khawmpi in Post Creation abawl chiengin Board/Committee dinga kiguot ten DPC hanin a sem ding mi lahna anei ding uhi. Tamna kilate pen asepna ua Kum 3 sung ginumtah a asepna uleh regularise bawl thei ahi ding uhi. Ahivangin a sepna uh akhawl hun chieng un a nasep uh pension sah ahi ding ua, hinanleh a pension nua ua, hachin pension sum san pen akipe non sih ding hi. Tualeh tambang nasem ding kilate pen lung tunlouna aum leh tawpsah ahithei ding ua. Amabou tambang mite pension hun lou a tawpsah ahi uleh Investment Fund akoi teng uh akhinna umlou in amu ding ua, tuachiin tawpsah ahi ta ding uhi.
(ii) Tualeh tambang nasem mi kilahna pen 2013 apat a kilate ahi ding hi.
2. Na guonna : Telthaw leh guotthawte zousie Annual Sesson/Khawmpi in a bawl diing a tualeh, nasepna diing munte zong a guong (Post Creation) a bawl masa diing hi.
3. Nasem mi lahna : Annual Session/Khawmpi ahiei, Executive ahiei ahisihleh mimal/Office a nasemte ahiei thuneina a pieh penpen in Annual Session/Khawmpi in sepna diing mun a guonsa a sem diing mi a la diing hi. Tambang a a lah diing chiengin, ni 15 sang a tawmzawlou theisahna a bawl diing hi.
4. Kaisanna : Tambang a na guonna a kibawl chiengin MELC sung a nasemte a chit a umleh umlou et masah ahilou leh a kaisang thei ei chi et masah diing ahi. Tuabang a etzou ahinua chieng a mi a umsihleh mi tha lah ahi diing hi.
5. Nasem diingte chitna : Na kiguon dungzui a nasem diing mi lah ahi chieng in a la diing penpen – mimal, Board, Committee in Recruitment Rule(s) a bawl masah/bawlsa a nei diing uh ahi.
a) Mi tha lah diing ahileh Upat lam kum 35 sang a upalou ahi diing ahi. A semsa ahileh kum bihieh a umsih diing hi. Tualeh, siemna leh chitna tuom nei mi ahileh kum 5 belap thei ahi diing hi.
b) Permanent a sem diing a kila tapou Dan sunga mi, MELC kipuihuoina leh Dan Bu a kigiel Thuginpi pom leh sinsahna pom mi ahi diing hi.
c) Permanent Worker lahna diing in DPC guot ahi diing a, khumte’n a result khu Ministerial Committee/Executive Committee ah Report a pe diing uhi. Tuazou chieng in a kisaipi Committee thupieh bangzel in malam sawnsah ahizel diing hi.
6. Casual leh Permanent : Tam Casual leh Permanent lahna toh kisaipen Bung XVII Khil 68 nakhu set ahi. A sem mi in a sep sawt thu hilou a asepna mun (Post) pen sepna kip ahijieh ahi. Permanent sepnate khu Pension thei sepna ahia, Annual Session/Khawmpi in Post-creation a bawlte ahi. Tualeh, Casual Post zong poimaw leh kul asah leh Annual Session/Khawmpi in permanent ahisah thei hi. Tamteng ban ah, a tung a 3na leh 4 na dungzui in, a sem mi zong permanent ahisah thei hi.
7. Probation : Permanent nasem diing lahthate khu kum thum (3) sung etkhietna hun nei ahi diing hi. Tua hunsung a nasem mi in chitlouna a neilouleh tua nasem mi khu namdet ahi diing. Tualeh, namdetna lai pieh ahi diing a, a nasep kum hisapna ah (Seniority etna ah) a kilah chil apat hisap/sim pieh ahi diing hi. Amabou tam Probation Period sunga chitlana nei a akithei leh tawpsah thei ahi ding.

BUNG – XXII

Khil – 69 : Nasepna mun kipiehna leh kisuonna

1. Nasep pouma hagau silpieh dungzui a sep-le-bawl ahitheina diing in nasem mite sepna diing mun guot ahi diing hi. Ama uh kingen ahiei ahisihleh, Pawlpi hoi zawhna diing ngaituona jiehin Annual Session/Khawmpi guot leh bawl hinanleh nasem mite sepna Ministerial Committee ahilouleh Executive Committee in heng in a sulamdang thei diing hi.
2. Nasem mi khat mun khat ah a tangpi a kumthum a sep masang suonlou ahoi ding hi. Hinanlezong, hattuom hoi zawhna diing ahi a, tualeh, a poimawna tuom tinten a umleh kumthum chinglou in zong suonthei ahi diing hi.
3. Nasem mi koizong asepna apat nasep tuom khat a akisawl chiengin anasep pen lien in neu talei ama Law ngai puo in sawl ahi ding hi.
4. Mi koizong hattuom nasem diing leh sum sang a/law nei (Full-time Worker) diing a kipete hattuom sawlna mun a, a pei diing ahi. Ahin, a zi ahilouleh a pasal Government nasem ahileh Pasian nasem zawpen a suhbuoi khahlou diing ahi.
5. Nupa hattuom a sum sanna neite hattuom poimawna jieh a khat zawhzawh suon (Transfer) ahileh, a kizui theina diing uh Pawlpi thuneitute’n a ngaituo pieh a kilawm diing hi. Hinanleh, ahithei vawtlou leh phut teitei thei ahisih diing hi.

BUNG – XXIII
Nasemte Pension leh Galna

Khil – 70 : Pension Rule

Manipur Evangelical Lutheran Church sung a hasum sanga nasemte (Full-time leh permanent Worker) a diing in anuoi a bangin Pension pieh ahi diing hi. Hinanleh, thukin ahileh a hun dungzui in Ministerial tungtawn in Executive in a ngaituo thei diing hi. Pension pen tam anuoi a bangin Pensioner damsung pieh ahi diing hi. Tualeh tam anuai a Pension Rule kitahlang teng khu Bung XVII Khil – 68 No. 1 (a&b) dungjui a bawl ahi ding hi.

1. a) Pension piching : Nasem mi, Ministerial line a sem (i.e. Pastor leh Evangelistte) upat lam a kum 65 a chin chiengin Pension pieh ahi diing hi. Ahivang in a kal lah a khawlna (break) a nei leh neilou etchet ahi diing hi. (Tami Break khu a sep sunga leave with pay a ana kikoi kha nate genna ahi.) Hinanleh Kum 65 chingsih nanleh pension rule dungjui in ahun leh amun jil a pieh thei ahi ding hi. Tualeh tamna Kum 65 a pension pieh dingte pen amauh mimal chiet apienni dihtah (Certificate a bawl uh dingjui a tuate pieh ahi bap ding uhi; thu te hilou)
b) Non Ministerial a semte tahsa upat lam Kum 65 leh a sepna Kum 35 tan apha masa penpen ah pension pieh ahi ding hi. Hinanleh tahsa Kum 65 leh sepna lam 35 tung nai sih nanleh pension rule dungjui in ahun leh amun jil a pieh thei ahi ding.

2. Hattuom Pawlpi in Pension sum pieh dan tam anuai abang ahi ding hi-
a) Kum 65 ching a nasepna (Service) a Kum 35 – 40 tan ten pension hun a aha sum saan Basic Pay apat 50% + DA pieh ahi ding hi.
b) Kum 65 ching a nasepna lam a Kum 30-35 tan a Pension te pension hun a ahasum saan Basic Pay apat 40%+DA pieh ahi ding.
c) Kum 65 ching a nasepna lam a Kum 20 – 30 tan a pension ten pension hun a ahasum saan Basic pay apat 30%+DA pieh ahi ding.
d) Kum 65 chingta a nasepna lam a Kum 5-10 tan a pension ten pension hun a ahasum san Basic Pay apat 25%+DA pieh ahi ding hi.
e) Kum 65 chingta a nasepna lam a kum 10 ching loute pen pension pieh ahisih ding hi.

Khil – 71 : “Pension Kumutation” :

Tami Pension Kumutation khu a Pension Basic kimkhat Kum 10 tan a tuot in ala thei ding uhi. Tualeh tampen Pension Basic akipat 50% toh hateng in adit ding a Kum 10 sungin apung umlou a adit zou ding ahi.
Hinanleh tami Kum 10 achin masanga shina atuohtah leh tami Kumutation pen abei ding hi.

Khil – 72 : Semtu deitelna a pension :

Semtu khat in kum 20 sung asep nua a gelthaw a Pension diing ngetna a bawl leh ama deitelna in a Pension thei diing hi (Voluntary/Premature).
Note : Tami deitelna (Voluntary) pension khu Revised Pension Rule 1998 na banga tam anuai abang a bawl ahi – Tam Deiteelna pension pieh dingte khu chini a khen ahi :-
a) Semtu koizong Kipuihuaina leh Danbu Bung XVII; Khil – 68 na dungjui a Hattuam/Pawlpi in Pension thei dinga ahuom khahte Kum 10 tunglam semsa, voluntary pension ding ut aumleh, a Basic Pay uapat 30% leh DA aseplai a bangin amu ding hi. Tualeh Investment Fund akoisa teng toh adaan bangin amu ding hi.
b) Semtu koizong Pawlpi khuolna leh deisahna zieha, a sepna apat tawp/khawl a ut leh, tambanga Pawlpi in hamphatna pieh ahi ding hi.
i) Kum 3-5 tan semsate khu hathum Law (tu leh tua a basic leh DA) pieh ahi ding hi.
ii) Kum 6-10 tan semsate khu Ha-nga Law (tu leh tu a basic leh DA) pieh ahi ding.
iii) Kum 11-15 tan semsate khu Ha-sagi Law (tu leh tu a basic leh DA) pieh ahi ding.
iv) Kum 16-19 tan semsate khu Ha-sawm Law (tu leh tu a basic leh DA) pieh ahi ding.
Note :- No. b (i), (ii), (iii) leh (iv) nate a kigen, sepna apat akhawlte khun Hachin pension sum saan anei sih ding uhi. Tualeh Investment Fund akholkhieh teng uh daan bang in ala/mu ding uhi.

Khil – 73 : Medical Pension :

Semtu koizong Medically unfit a Doctor in lai apiehte or recommend abawlte leh, akisaipi Committee/Board inzong ahina achipite in tam anuai a bangin Pension pieh ahi ding hi. Tuaban ah tambang a Medical pension ngen ahing um chieng in Medical Doctor khat telna in Board member mi 5 tan Office Bearer dingin aguong jel ding hi. (i.e Doctor – 1, Office te apat – 1, Upa – 1 leh Laymen – 2)
a) Kum 20 apat atung lam sem sate in a Basic Pay ua pat in 40% leh DA aseplai ua bangin hachin pension sum asaang ding uhi.
b) Kum 11-19 tan semsate in a Basic Pay ua pat in 30% leh DA aseplai ua bangin hachin in pension sum a saang ding uhi.
c) Kum 6 – 10 tan semsate in a Basic Pay ua pat in 20% leh DA aseplai a bangin hachin in pension sum a saang ding hi.
d) Kum 1 – 5 tan semsate in Basic Pay apat in 15% leh DA aseplai a bangin pension sum a saang ding hi.

Khil – 74 : Compulsory Pension :

Nasem mi koizong Kipuihuaina leh Danbu Bung XVII Khil-68 dungjui a hattuom in pension thei dinga ahuom khahte kum 20 a sepna sunga, a nasep dan leh a nasepnate lungtun huoilouna a umleh Pension hun chingsih nanleh a tung a thuneite’n Pension diing a a recommend uleh Pension pieh teitei diing ahi.
Tambang a pension sah aumte khu anuai a banga bawl ding ahi –
a) Kum 20 tan leh atunglam semsate’n Basic Pay apatin 20% leh DA aseplai a bangin pension sum a saang ding hi.
b) Kum 20 chinglou leh anuai lamte ahileh Khil-72 b (i-iv) a banga hamphatna umte banga pieh ding, tualeh hachin pension sum saan neilou ding ahi.

Khil – 75 : Family Pension :

MELC sunga semtute Family Pension ding dan tam anuai a banga bawl ahi :-
a) Semtu koizong Kipuihuaina leh Danbu Bung XVII; Khil – 68 na dungjui a Hattuam/Pawlpi in Pension thei dinga ahuom khahte Kum 10 tunglam semsa a shina tuah aumleh, Family Pension a Document a NOK/Nominee in amu ding hi. Pastor ahileh Rs. 2,500/- + DA hachin in amu ding hi. Tualeh Pastor ahilouleh Rs. 2, 000/- + DA hachin in amu ding hi.
b) Semtu koizong Kipuihuaina leh Danbu Bung XVII; Khil – 68 na dungjui a Hattuam/Pawlpi in Pension thei dinga ahuom khahte Kum 10 nuailam semsa a, shina tuah aumleh, Family Pension a Document a NOK/Nominee amu ding hi. Tambang in –
i) Pastor ahileh Rs. 1,500/- + DA hachin in amu ding hi.
ii) Pastor ahilou leh Rs. 1,000/- + DA hachin in amu ding hi.
c) Semtu koizong Kipuihuaina leh Danbu Bung XVII; Khil – 68 na dungjui a Hattuam/Pawlpi in Pension thei dinga ahuom khahte Pension nua a shite khu a innkuonpite kungah Rs. 1,000/-+DA pieh ahi ding hi. Tami khu Document a NOK/Nominee – aji/anu/;apa leh a ta upapen kum 20 achin masangsie’n amu ding hi.
d) Family Pension sum sang koi inzong Pasal tha a nei leh a nei ni apat Family pension a lah pen tawpsah ahi pai diing hi. Tualeh, MELC member hina nuasia a pawl dang a, a lut leh alut ni apat Family Pension a lah pen tawpsah ahi pai diing hi.
e) Nasem mi koizong Fixed Pay law a Pension a umleh, Pension sum pen a Fixed Pay apat tuot ahisih diing a, a kibahpi Pay Scale apat tuot ahizaw diing hi.

Khil – 76 : Pension-te dinmun

a) Pension sate’n kumpi nuoi ahiei ahisihleh Para-Church organisation ahisihleh mun dang a sum sanna a nei a sieng hi. Hinanleh, hattuom danga sum sanna ahilouleh member hina a nei khah leh, tuabang a a umni apat a Pension sum san tawpsah ahi pai diing hi. Pension sate Committee khat poupou ah member ahithei diing ua, hattuom sung kiteelna ah zong Vote a neithei diing uhi. Hattuom dan kal ahilou pouleh Hagau lam nasepna zong a bawlthei ding uhi.
b) Pension sate kizahthei kia na : Kipuihuaina leh Dan Bu dungjui a, full pension kipesate anasepna ua pat pension kipeta nan uleh tam anuai a bangin amauh hithei/septhei tan chienga Amau deidelna toh zahthei ahi ding uhi.
i) Office a sem Bishop leh Director te din mun/pan mun chilou adangte a candidate thei/zahthei ahi ding uhi.
ii) D/S leh Bial Pastor hilou in akul leh apoimaw dungjui in Local Pastor, Dist. leh local sunga panmun tuomtuom te ah teelhei/zahthei ahi ding hi.
iii) Director of Ministries leh District Superintendent tungtawn in apoimaw leh kul dungjui in kikhutzahna tuomtuom ah azang thei/asawl thei ding uhi.

Khil – 77 : Pension sum bat hilou

Hattuom in sum tahsapna a nei leh Pension sumte a kiemsah thei a, zong a tawpsah thei diing hi. Tuabang a tawpsahna thu a um khah leh Pension sumte khu bat bang a phulthei ahi nawnsih diing hi.

Khil – 78 : Galna

Nasem mi koizong a nasep sung ahiei ahilouleh a Pension nua a shina a tuoh leh, galna in a Law/Pension sum khu hathum tan pieh ahi diing hi. Tami’n galna dangte galnate a sukha theisih diing hi.

BUNG – XXIV

Khil – 79 : Service Extension Rule

Manipur Evangelical Lutheran Church sung a gin-um tah a Pension tan nasem mi koizong sem nalai diing a hattuom in deihuoi a sah nalai leh Pension piehpai sangin a sep nahlai theina diing in a sep hun tam anuoi a bangin a suhsau thei diing hi.
1. Annual Session/Khawmpi in a susau thei diing hi.
2. Nasepna tambang a suhsau a umte mawngmawng kumthum sang a sauzaw bawlthei ahisih diing hi.
3. Nasep hun kisusau a bei/tawp hun chieng a zong sem nalai diing a deihuoi ahi nahlai leh Nasepthei kiana dan (Re-employment Rule) dungzui in sepsah kia thei ahi diing hi.

Khil – 80 : Laisiengthou zil sutzoptheina :

a) Semtu koitobang Laisiengthou zilbe nalam a lunglutna nei tinten ten Pawlpi a akingetna dungjui ua Pawlpi in pha asahpi leh sawlthei ahi ding hi. Tuate khatvei kisawl sung a Law (pay) toh akuon thei dinga, maban zil be nuam nalaite pen leave without pay a sawl ahita ding uhi.
b) Pawlpi in semtute lah a poimaw leh kuul asah dungjui a Laisiengthou zil be dinga asawlte amauh deitelna toh sawlthei ahi ding. Tamte zong khatvei a law (pay) toh sawl ahi dinga maban zilbe aut leh leave without pay a sawl ahita ding uhi.
c) Tam atung a (a) & (b) a leave without pay a Laisiengthou zil nuamte khu Pawlpi in pha asah leh stipend dan in panpina akilawm hun tawh abawlsah thei ding hi.
d) Ministerial line hilou, semtu dangte zong amauh nasep toh kituoh a maban a zilbe ding poimaw sahna nei tintente leh Pawlpi in poimaw sahna nei a zilbe ding a asawlten zong tam atung a (a) (b) & (c) na dungjui in sawlthei ahi ding uhi.
e) Tambang a sawl a umte khu bond signed khat bawlsah a sawl thei pan ahi ding uhi.

Khil – 81 : MELC DEPUTATION RULES

1. THUMASA : Manipur Evangelical Lutheran Church Pawlpi/Hattuom in thugin kibahpi pawl dang, para churches, organisations leh hattuom dangte toh na sepkhawm alunglut gige a, tuabang a Pawl dangte toh nna isepkhawm chieng ua zui ding Dan tam anuai a banga bawl ahi –
2. TUP LEH NGIM : Tam Deputation Rules in a ngim tam anuai a bang ahi –
a) Tuabanga sepkhawmpi organizations, para churches leh hattuomte toh sepkhawmna a mavanzawna ding leh kitheisiamtuona umsahna ding ngimna ahi.
b) Semtu : Deputed a umte dingin sep dingdan leh tup kitel leh dinmun kitel a a kuan theina ding uh ahi.
c) Deputation a pei semtute a hing kinuale chieng ua sep ding leh dinmun kichien pieh thei chet ahithei na ding.
d) Tambang a sawl a umte in Bond Sign abawl ngei ngei ding uhi.
3. A MIN : Tam dan min, “MELC Deputation Rules 2013” akichi ding hi.
4. A KIZATNA : Tam Deputation Rules MELC nasemtu mission dang, Hattuom dang, para churches leh organisations a sawl a umte tunga zat ahi ding.
5. KIZAHPATNA : MELC Executive Committee Resolution No. ……. of ……… dung zuiin ……. apat zat ahi.
6. DEPUTATION A PEITHEI DINGTE : MELC regular/fulltime workerte ahi ding.
7. AKIPHIATTE : Tam Deputation Rules toh kikalh thupuahna leh dan umsate tam Deputation rules zah ahih apat phiet ahi.
8. AKISENDENTE : Tami Deputation Rules zah pat ahi apat, MELC Hattuam in Deputation a asawl lellelte tam rules toh kituah a sawl banga ngai ahi uh.
9. PERIOD OF DEPUTATION : Khatvei thu in Kum 5 ahi dinga, hinanleh a kul leh apoimaw banga et in Executive Committee ngetna aumleh kul asah bangin ahun abelap thei ding.
10. SEPDEN DING DAN : Deputation a semtu in tua a sepna mun a sep den a utleh MELC Executive Secretary/Bishop apat No Objection Certificate la masa in sepden a utna ah a kingen thei ding. Tuabanga deputed ahihna ua sem dentute MELC a pay, seniority leh service protection a nei nawn sih ding uhi.
11. Tuabanga semden loute pouma a service uleh a seniority uh kepbitsah ahi ding uhi.
12. SAWM-A-KHAT PIEHNA : Deputation a peite pen MELC taisan hilou ahi man un MELC phungvuohna dingin MELC ah sawm-a-khat a pe ding uhi. Hinanleh ava sepna a kiziltilna dan a etton dinga a sepna a pieh akul leh a sawm-a-khat pen MELC a lut dinga phut teitei ahi sih ding.
13. SIHNA : Deputation a semtu in tuabanga asep laiin sihna tuah taleh, a sepnate leh MELC Hattuam/Pawlpi kithuzah kawmin a poimaw bang bang sep ahi ding.
14. DISCIPLINE : Deputation a semtu in tuabanga asep laiin a sepnaten lungtunhuai a sahlou uleh a hing nua sawl kia ding ua, termination abawl thei sih ding hi. A service MELC a ahi jiehin a thu ngaituah vengveng in akul bang bangin Executive Committee/MELC in thupuahna a bawl ding.
15. Deputation a peiten ava sepna ding para church hiin church organisation hitaleh thugin a Evangelical ahi ding hi.
16. MELC Service Rules banga pension hun (40 yrs service or 65 yrs personal age) beima a deputation a sem mi ahing kia leh MELC Service rules nuai a assignment pieh a ha law yearly increment toh pieh ahi ding a, ava sepnaten a piehlou uleh.
17. Deputation a sem koipou in MELC Service rules a retire hun bei nua a deputation a asepna a asep nuom leh a sep nuom tantan ava sem dinga, hinanleh ahing kia hun chiengin MELC service rules a banga pension sum hisap a pieh ding ahi, avasep nate’n pieh anei sih uleh.
18. Deputation a sem koipou furlough (suti) a ahing pei leh a sepna pawl in ha law a pieh naleh halaw thu ah MELC buaipi a kul sih ding. Tuabanga suti sunga MELC in sep ding aguat leh travelling expenses leh hospitality MELC mawpuah ahi ding hi.
19. Deputation sem lellel koipou MELC in kul leh poimaw a achiel leh travelling expnenses leh hospitality MELC mawpuoh ahi ding.
20. Deputation a semmi in hattuom phuh (church planting) sawm ahileh MELC ahi ding duthusam ahi a, tuabang ahisih lezong Lutheran hattuam min nei ahi ding ahi. Tam gel ahithei tua sih leh hattuom min dang zong ahithei ding, thugin ah Evangelical ahi teitei ding ahi.
21. Tami Rule zui theilou mi pen deputation a pei theilou ahi phot dinga, MELC Service apat a akitawp(resign) ding ahi.

Khil – 82 : Re-employment Rule

Pension Rule dungzui a Pawlpi nasem Pension sate semtah leh deihuoi ahi nahlai uleh tam anuoi a bang in a kisemsah kia thei diing hi.
1. Pension zou a semtah leh deihuoi ahi nahlai leh Annual Session/Khawmpi in Appointment tha (New Appointment) in a bawlzel thei diing hi.
2. Pension sa, semkia diing a Appointment kibawlthate’n, Appointment a muthakiana uh law leh a Pension uh gawmkhawm khu a Pension kuon ua a law uh sang in a tamzaw theisih diing hi.
3. Tambang a semsate kumkhat sang a tamzaw/sauzaw sepsah diing ahi uleh Yearly Increment a sep sungteng uh a muthei sih diing uhi.
4. Khatvei thu in kumthum sang a sauzaw sem diing in Appointment piehthei ahisih diing hi. Kumthum zou chieng a zong semthei diing a deihuoi ahi nahlai leh kumthum dang ma a semkia thei diing a, tambang a ngaituo touzel ahi diing hi.
5. Pension zou chieng in tambang a semte pen Office a sem diing in (Elective Post) candidate ahithei sih ding hi.

BUNG = XXV

Khil – 83 : Leave of Absence leh Holiday(s)

1. Leave ngatheite : MELC sung a nasem mi hasum sangte’n Casual Leave leh Sick Leave chilou ngal a sepchil kum in a lathei sih diing hi. Kum khat a sepzaw chieng in Leave dang dangte a ngathei bep diing hi.
2. Casual Leave : Nasem mi in adieh in Office leh Institution ten Casual Leave kumkhat in ni 12 a nei diing a, khatvei thu in ni 5 sang a tamzaw a lathei sih diing hi. Casual Leave pen nget leh zah thuothei pai ahi diing hi.
3. Earned Leave : Nasem mi in kumkhat sung in Earned Leave ni 30 sung, Kiginni leh Pasianni sim in a neithei diing hi. Hinanleh, Earned Leave ala sung Basic Pay maimai pieh ahi diing hi. Earned Leave pen a kulna bang a piethei ahi giap diing a, lahlou-theilou a ngai ahisih hi. Vacation nei School a semte’n Earned Leave a neithei sih diing a; hinanleh kumkhat in Half-pay in ni 30 tan chieng Leave a neithei diing uhi. Earned Leave khu kholthei ahisih diing hi.
4. Nasem mi koipou in Earned Leave a nget diing leh ni 7 masang a ngetna a pieh diing ahi. Hinanleh, thukin a umleh a thu zil a piethei ahi diing hi.
5. Leave Without Pay : Nasem mi in kumkhat sung in hasum bei in Leave hathum sung a ngathei diing hi. Hinanleh, ajieh kilawm ahisih leh pieh teitei ahisih diing hi.
6. Study leave : MELC in a sawl hilou, siemna sangzaw leh Training kuon diing mi a umleh Committee phalna toh Bawng XX Khil 60 na bangin sawlthei ahi ding.
7. Maternity Leave : MELC sung a numei nasem koi zong nau nei diing chieng in Maternity Leave hathum a ngathei diing a, tua hun beitan a a dam naisih leh Sick Leave a ngenthei diing hi.
8. Sick Leave : Natna jieh a Leave ngen a um a, Doctor lai a umleh ha 6 tan leave piehthei ahi diing a, ha 6 bei chieng a asepngap naisih leh a ngetna dungzui in piehbe thei ahi diing hi.

Khil – 84 : Leave piehthei

1. Nasem mi khat in Leave a dei chieng in ama tung a Controlling Officer kung ah gelthaw in a ngen diing hi.
2. Nasem mi in Leave a nget chieng in phalsah ahi chi a thei masang in a nasepna taisan a, a nuasialou diing ahi. Casual Leave late’n zong a kinaipipen Controling Officer kung a theisahna a pieh diing ahi.
3. Leave photphot piehlou – theilou leh mulou-theilou ahisih a, a kul leh poimaw dungzui a pieh diing chithu ahi giap hi. A pe diing Officer in kul a sah leh sahlou thu a kinga ahi.

Khil – 85 : Holiday (s)

1. Executive Secretary/Bishop in kumbul a kipat Office, School leh hattuomte zahthei diing in Holiday List/Year Planner hoitah in a bawl diing a, Last Executive Committee ah approve bawl diing in a luikhe diing hi.
2. MELC sung ah Office hi in School te hitaleh, Kiginni leh Pasianni, tualeh Holiday List a umteng khu Holiday in a mang diing uhi.
Khil – 86 : Appeals and Petition
1. Pawlpi mi koi inzong hattuom sung a na awng khat poupou a umleh ngetna a bawlthei diing hi.
2. Transfer leh Posting thu ah nasem mi in a hahsatna thute a ma tung a vaihawmte kungah a tun thei diing hi. Hinanleh a thupen a kingaituo nua a Thupuasahna um bang bang in thumangtah in a zui diing hi.
3. Thununna thu ah, nasem mi in Executive ah Appeals a bawlthei diing hi. Ahivang in Executive Committee thutanna khu thutawp ahi diing hi.
4. MELC sunga nasem koi inzong hattuom sung ahiei, hattuom pulam ahiei a nasep dang a lunggul leh Executive Committee ah phalna a ngen diing hi. Tuabang ahilou a, a guh-a gal a bawl akithei leh gentam ngailou a, a nasepna apat tawpsah thei ahi diing hi.

BUNG – XXVI

Khil – 87 : Nasem mi thununna

Manipur Evangelical Lutheran Church nuoi a nasem mite tam anuoi a bangin thununna piehthei ahi diing hi.
1. a) MELC kivaihawmna kal a gamtate
b) Nasep diing kipie bang a semloute
c) Khristian gamtatna ngaina toh kituohlou leh kilawmloute
d) MELC Thuginpi kal leh demte
e) Criminal Case a mawpaih a umte
f) Politics/Active Politics a kidiete leh hina khat poupou a panna neite
2. Thununna diingte :
a) Tai hilna/Vau hilna thumvei tan.
b) Law/Ha sum hen sah
c) Nasep khawlsah (Suspension)
d) Hasum khansahlou
e) Kaisangna (Promotion) khahsah
f) Nasepna apat tawpsah.
g) MELC apat nawkhiet

Khil – 88 : Thubuoi Ngaituona

1. Thubuoi pouma gelthaw a hehna aum masah ding ahi. Tualeh tambang hehna aum chiengin theipitu mi ni teitei aum ding ahi.
2. Thunun theina thusie khu nasem mi Head of Department ah thu tut masahpen ahi diing hi. Tualeh, a Biel Divisional Superintendent inzong a theipi masah diing ahi (Office a nasemte ahisihleh)
3. Thusie pouma suichetna um masalou in thununna piehthei ahisih diing hi.
4. Nasemte tung a thusie pouma ngaituo ahi diing cheing in ama kihut theina (Defence) diing hun lemtang pieh masahlou in thununna piehthei ahisih diing hi.
5. Thununna thu toh kisai thute a kigen sung in/chieng in Pension thu genthei ahisih diing hi. Nasepna apat tawpsah leh Pawlpi apat nawkhiette Pension piehthei ahisih diing hi.
6. Nasem mi khat thununna pen a Case let leh neu dungzui in Local District, akisaipi Committee in apuohlut dungjui un Executive Committee leh Annual Session Khawmpi in thukhenna abawl ding hi.

BUNG – XXVII
Thununna

Khil – 89 : Thununna in a tup

1. Pasian hattuomte hagau leh tahsa lam a kibawl hoina diing, hatna diing, dem a umlouna diing leh Pasian hattuom sienthouna diing (Nas. 5:1-11; Rom 12:17; I Kor. 5:5; 14:3-25)
2. Hattuom thunnunna pen Laisiengthou sinsahna dungzui a kibawl- itna jieh, hoina diing leh kideisahna Jieh a bawl ahi (Deut. 8:5; Pro. 19:18; Heb. 12;6; Kihil. 3:19). Tualeh, thununna pieh diing mite zong Laisiengthou thu toh kituohlou a gamtate ahi hi.
3. Hattuom kithununna chini a pha hi – Kivaihawmna lam leh Thusie-lasie; tualeh, Laisiengthou toh kituohlou a gamtatnate ahi hi.

Khil – 90 : Thununthei khelnate

1. Laisiengthou sinsahna leh hattuom in a gelthaw ahiei, ahilouleh a thu a zuithaw diing a dan a neite kal a hattuom sunga gindan tuom thugin leh kithuhilna khelna (II Kor.11:4; Gal 1:6-8; i Tim. 1:9; Tita 3:10; ii Pet.2:1-3, 14-22)
2. Sum thu a khelna, lepguhna, kumpi vankhaamte a summet bawl, sum kitha, laithai kaap, sum kitha a kilieukhaam, zuoutatna leh muonhuoiloun zousie leh huoihamnate (Rom 13:10; I Tim. 6:10: II Tim. 3:2; Eph. 4:28; I Kor 5:11; Kol. 3:5)
3. Ang kawmna/Numei Pasal kal a thangtatna : Hina kibang kingai leh kitenna te
4. Tuolthana : Mihing tung a khut hahna (Mt. 19:18; Rom 1:29)
5. Zu khambuai, damdawi leh khamthei dangdang dawn leh neh zongsang leh chiingte leh tuabang khamthei zuohte (Pro.20:1; Lk.21:34; Rom 13:13; Gal. 5:21; Eph. 5:18)
6. Guhtatna zousie (Rom 2:21-23)
7. a) Pasian ngaisahlou a, dawi-le-kau silbawltheina kilah hun chienga Jesu Khrist min lawna toh sai leh ngaituolou a, nidanglai/Khangluilai a pu-le-pate bawldan leh gindan zui a sai leh bawlnate khu Pasian ngaisahlouna khelna ahia; tualeh, shi-le-man hun leh van leh gantate a man chieng a aisaan siemte doh leh dawithu a bumna nasep zousie zong Pasian ngaisahlouna khelna ahi. (Lev. 19:26-41; Isai 8:19,20)
b) Thusie-lasie deina, leiba ngaisahlouna, innsah-innhang heh hatna, zuau genn hatna, theipitu dihlou a panna, thuchiem a zuautatna, midang toh kihau leh aw-sie lawna, Pasian leh mihing gensietna, zummaw thu-le-la chinna, nu-le-pa leh tunga mite zatatlouna, khosung leh gamsung dan toh kituohlou a gamtatna zousie zong Pasian ngaisahlouna khelna ahi. (Rom 13:13; 2 Tim 3:1-7; Kol 3:8,9; II Pet. 2:1-7; Jude 1:8)
c) Semtu leh Upate koitobang Sumpi pelou leh ahi ding banga peloute zong Pasian ngaisahlouna leh gutatna khelna chikhat ahia, apoimaw leh kul banga thu nunthei khelna ahi.

Khil – 91 : Thununna pieh ding dan

Hattuom kithununna pen itna, hoina diing kideisahna, hattuom siengthoutah a kepna diing leh a khiel mi hundam ahitheina diing bawl leh sep ahia, a poimaw dan dungzui a kisiakia masang hattuom sunga tanvoute uh lahsahna – taihil, phawh leh gawt a, a kisiakia chieng ua lungkimtah leh thanuomtah a kipahpi a, pomkia zel a tup ahi dungzui in khat-le-khat kal a kisietna thute ah zong bangteng hileh kilemna leh kingaidamtuona a deipen ahia, khelna phuba lah a gawtna hilou in bawlhoina a tup ahizaw hi.
1. Taihilna : Hattuom Upa leh Local Memberte hi in, mipite hitaleh Hattuom lamkai vaihawmtuten mipi thei masangin a guh in kamdam tah in a khelnate a maitang a gen in a langsah diing ua; tualeh, a dinmun zauhuoi dan zong theisah in khelna kisia a Pasian lam nga a kihei kia diing in nguntah in a hil diing uhi.
2. Phawhthop : Tam phawhthopna pen taihilna sanga nazaw leh khauzaw ahia, taihilna banga, a khiel mi khelna leh dinmun zauhuoi dan theisah a, kisia leh kibawlpha a Mangpa lam a hing kiheikia diing a hilna ahia, taihilna khawhsalou leh kisia utna neiloute deisahna leh itna toh phawhthopna ahi.
3. Tam atung a Taihilna leh phawthopna tan a zong akisia lou ua akisiem phat ut sih leh semtu hi’n Hattuam Upate hitaleh akisia a akisiemphat masang sia uh khut zahlou phot ding a koi thei ahi ding uhi. Tualeh LCC member ahileh apan mun apat tawpsah/tuhsah nawnlou thei ahi ding uhi.
4. Dan pulam a koina : Tam Dan pulam a koipen in taihilna leh phawhthopna sang a nazaw leh khauzaw a thununna ahia, tambang thununna pen hun bangtan ahiei sung lut diing a ngiim ahi. A kisiakia sihleh a khiel mi pen khawzaw sem a thunun nahlai diing ahi. (Tam thununna in hattuom Upate leh LCC tezong ahuam hi)
5. Thununna pen ama (a khielpa/nu) dinmun toh kituoh a pieh diing ahi. Hinanleh, khelna zousie a tung a banga bawl diing china ahi tuomsih hi. Taihil leh phawh ngailou a dan pulam a koitheipai zong aum hi. Tuaban ah, dan zoukim leh zoukimlou dinmun leh thununna a kibang sih diing hi. Dan zoukim a thununna nuoi a umte khu Mangpa Nitah Ann immsahlou, Pulpit nasepna, hattuom dan siengthou a kiteenna phallou leh hattuom phalna lai piehlou leh hattuom sunga panna himhim piehlou chite ahi.
6. Nawkhiet : Tam nawkhietna ahileh gindan dihlou leh kisinsahna/kithuhilna dihlou a pei mite tunga taihilna leh phawhna nuoi a thunun zouloute’n ginna dihlou a mi tampi a puimang masang ua, Pasian hattuom siengthou leh Mangpa belamte bitna diing a nasep ahi hi. Tambang a nawkhiette khu hattuom mi ahi nawnsih diing a, hattuom inzong ama tung ah mawpuohna anei nawnsih diing hi.
7. Mi koizong a sil bawlkhelna apat a kisia a, a taihiltute kunga ngaidam ngen mite khu thununna nuoi a koi teitei diing ahisih hi. Tualeh, ngaidam ngen sih lezong a khelnate a tawpsan phot leh thununna pieh teitei diing ahisih hi.
8. Khelna pouma a khielmi leh a khelnate toh kituoh thununna pieh diing ahi. A tangpi in Taihilna leh Phawhna diingte khu Khil – 89 na sunga kigen khelnate ahideu a, tambang a khielte a kisia sih leh a khauzaw a thununna piehthei ahi diing hi. Khil – 90 na a 1, 3 leh 5 te pen thununna dan a gah ahi diing hi. A kisia sih leh hattuom apat nawkhiet thei zong ahi diing hi.

Khil – 92 : Namdetsate thununna

1. Manipur Evangelical Lutheran Church sunga nasepna diing a namdet ahijieh in, Hattuom Upa khat ahiei, Pastor khat ahiei hattuom a kipat a kinawkhiet leh namdet ahina lahkia ahi diing hi. Annual Session/Khawmpi in namdetna toh kisai thuneina anei jieh in, tambang thununna pen Annual Session/Khawmpi in a bawlthei giap diing hi.
2. Namdetsa Upa ahiei, Pastor ahiei in Pasian hatna theikhiel a kigen a, sepnalou diing a asemkha leh kinamdet kha ahi kichita leh thununna dan a lah ahi diing a, tuabang mi tung a namdetna lahkia ahi diing hi. Hinanleh, nawkhiet ahisih leh namdet ahina khu lahkia ahisih diing a, a sepna pen khawlsah (suspend) ahi diing hi. Lahlut ahikia chieng inzong a nasepna piehkia pai hilou in haguh sanga sauzawlou etkhietna hun pieh ahi nalai diing hi.
3. Hattuom mi koizong thununna pieh ahi diing chieng in thunun a um diing mi pen Vaihawmte masang a ding in, thununna pieh ahi diing jiehte hilchien in thuumna zong a nei pieh diing uhi. Tualeh, hattuom mipi masang ah zong a puong diing uhi. Tuaban ah, hattuom mipi inzong theipina leh phasahpina in khut tunna anei ngei ngei ding uhi.
4. Hattuom in koizong thununna a pieh diing chieng in a kisiakiana diing leh kibawlphatna diing deisahna toh thununna a pe diing hi. Tuaban ah koizong thununna apat a ngaidamna mun a lahlut a um chieng in Pasian kung a kipahthu genna leh hantawh thu genna toh thuumna a lat diing ahi. Tualeh tambang a akibawl chiengin mipi in atheipina’n khut dopna anei ding hi.

Khil-93: Hattuom sung a thununna

Mi koi zong, hattuom sungah neh-le-dawn thu ahiei, gamtatna sienglou tuomtuom zieh a hattuom mit tunlouna leh gitlounate a tawpsan theina diing in hattuom lamkaite’n a guh in thumvei tan ahil diing ua, tuatan a zong a tawpsan tuomlou leh a kisiemtha theina diing in Local Church Committee in ngaituo in Thununna(Under discipline) ape thei ding uhi.

Khil 94 : Namdetloute/Thaunuloute Thununna

Koi hileh thaunu na tang hilou a, hattuom sunga mawpuohna/pan mun/ hina khat poupou nei mite in Bung XXIII Khil 89, 90, 91 na a kigente toh kisai a thunun thei dinga umte khu Hattuom/akisaipi Commtt. in ahina/mawpuohna/panna ua pat lahkhiet ahi ding uhi. * Akisia kia masangsie un.

BUNG – XXVIII

Khil – 95 : Numei leh Pasal kal a khelnate leh thununnate

1. Kingaina : Nungah leh Tangval kiteenna um masalou a alupkhawm a sieng sih hi. Tuabang a lup-khawmna khelna pen Kingaina khelna ahi.
2. Kingaina khelna a puate a kiteen ngeingei diing uh ahi. (Deut. 22:28,29). Kiteeng nanle-uh, a kiteen masang ua Kingaina khelna a pua ahitah jiehun hattuom dan a thunnun a dan pulam a koi diing ahi. Tuazou chieng in, akisia ua, kingetna apieh uleh akingetna dungjui un Pindan a kitenna pieh ahi diing a, dan sunga lahlut zong ahingal diing uhi.
3. Kingaina khelna a puate a ni ua kiteen utlou tuoh ahi uleh, a ni un hattuom dan a kumkhat sang a tawmzawlou dan pulam a koikhiet a thununna pieh diing ahi. Tuazou chieng a, a kisia uleh dan sunga lahlut diing ngaituo diing ahi. (A ni ua thakhat thu a ngaituo diing china ahi).
4. Kingaina khelna a puate lah ah khat in kiten diing ut henlen, khat khu utsihtaleh, a utlouzaw pen a tawmpen in kumkhat dan pulam a koi a thunun ahi diing a, a utzaw pen khu a tawmpen in haguh dan pulam a koi a thununna pieh diing ahi. Tuazou chieng in, a kisia dan dungzui un lahlut dan diing ngaituo ahi diing hi.
5. a) Dan zoukimsa, hattuom dan siengthou a kiteen diing dalna leh daltu umlounapi a, dan siengthou a kiteen diing ngaisahlou a kiguhteente zong dan pulam a koi in thununna pieh ahi diing hi. Tuazou chiengin akisia ua sung leh pu kal a bangkim suhfel nua a akingetna dungjui un dan siengthou in a kiteeng thei diing ua, lahlut ahingal diing uhi.
b) Tam kithununna pieh a umpen akitai/akiten uh kithei apat hun lemtang masa pen ah local Chairman/Upa Ordain khat in thununna pieh ahi thu aphuong ding hi.
6. Dan Siengthou a hoitah a kiteengsa, a kiteen nua uh haguh sunga nau chidam leh hoitah a nei uleh, a kiteen masang un Kingaina khelna ah a puata uh chi kitheichetna ahi diing a, tuabang mite haguh sung dan pulam a koi in thununna pieh ahi diing hi. Tuazou chieng a kisia a, a kinget uleh lahlut thei ahi diing hi.
7. Hattuom sunga mikhat in Pasian awilou (sakhuo leh biehna tuom) mikhat a kiteenpi diing leh, tua ginglou mipen Khristian ginna leh MELC Thuginpi leh Thuzuite a pomsah diing ahi. Tuachia a pomsah zoulou a, a kiteenpi leh Kingaina khelna a pua ahi diing a, haguh sung dan pulam a koi ahi diing hi. Tualeh, ginglou mipen in pienthana nei in, Baptistma tang nanleh, Mangpa Nitah Ann a neh-a dawn masang teng kol-awh ahi veve diing hi. Hinanleh, ginglou mipen in pienthana nei a, kingetna apieh dungjui in dan sunga la lut ahi ding hi.
8. MELC sunga um mikhat in hattuom dangkhat neinuomta henlen, tua mipen MELC in ginna kibanglou in thei taleh, a nei diing tu in tua mi nu/pa pen MELC Thuginpi leh gindan a zuisah zou ngei diing ahi. Tuachia, a zuisah zou leh phalna pieh ahi diing a, zuisah zoulou a a kiteenpi teitei leh MELC dan a apuizou masang teng kol-awh ahi diing hi.
9. Tat dan thanghuoi – numei leh numei kingai, pasal leh pasal kingai ahiei ganta pou toh kipawl-tam-bang khelna a puate khu zi neisa hi in hisihleh kumkhat sung dan pulam a koi ahi diing hi. Tambang a khiel mite khu kumkhat masang in a kingen theisih diing uhi. Kum khat zou a akhelna uh kisia a atawpsan dungjui ua lahlut thei ahi pan ding uhi.
10. Mi pawngsuol leh luppi mawngmawng a tung a No. 9 na bangin thununna pieh ahi diing hi.

Khil – 96 : Aangkawmna

1. Zi-le-ta neisa hi in hisihleh midang toh a lupkhawm uleh Aangkawmna khelna a pua ahita hi.
2. Tam aangkawmna khelna a puate hattuom member piching ahileh a tawmpen in haguh sung thunnunna nuoi a koi ahi ding hi. A kisiakia leh haguh zou chiengin lahlut dan diing ngaituo ahi diing hi.
3. Hattuom sunga Daan zoukim hinanleh member piching hinailou (Junior Communicant) ahileh Kum 15 apha chiengin member piching a lahlut thei ahi dinga, Baptisma tangsa ahi nah leh Mangpa Annsieng a iimthei ding hi. Hinanleh Kum 18 ching nailou a kiteng um thei ahi man in, khumbang mite pen alang alang a nu leh pate phasahna banga kitenna piehthei ahi ding hi.
4. Hattuom member hina nei hinanleh Daan zoukim nailou (Primary Member) in tambang aang kawmna khelna a, apua khah leh, a tunga banga thununna pieh ahi diing hi. Hinanleh, Mangpa Jesu, Mang leh hundampa a pom a, a pientha leh Baptistma tansah ahi diing a Mangpa Nitah Ann ne in a dawnthei diing a; tualeh, lahlut diing dan ngaituo ahi diing hi.
5. Hinanleh a tunga 2, 3 leh 4 na sunga thununna pieh a umte Daan sunga lahlut ahi masang teng Mangpa Nitah Ann ne in a dawnthei sih diing uhi.

Khil – 97 : Kikhul leh Kikhen

Hattuom Daan a kiteenna neisate aangkawmna khelna jieh loungal bangma in a khenlou diing ahi.
1. Shina in nupa a khen a, a dam nalai pen in zi/pasal dang a nei ut leh a nget hunhun in phalsah ahi diing hi. Hinanleh, zi/pasal dang a nei teitei diing china ahisih hi.
2. Nupa kal a aangkawm jieh a kikhenna a umleh, a khiellou zawpen midang nei phalsah ahi diing hi. Tuabang a anget nah leh
3. Aangkawmtuoh – nupa kal ah kingaidamna umta nanleh, a khielpen leh a khelpi pen haguh sung Daan pulam a koi ahi thouthou diing hi. Tuazou chieng a, akisia uleh Daan sunga lahlut dan diing ngaituo ahi diing hi.
4. Hattuom Daan Siengthou a kiteenna nei nupa, shina ahilouleh angkawmna jieh hilou a kikhenna a umleh, zi/pasal koppi nei masa penpen a mawzaw a pom ahi diing hi. Tuaban ah a nei nailou penpen in Dan Siengthou a zi/pasal nei theikiana a nei diing hi.
5. MELC sunga mi – Pastor leh Upa Ordination tangsate, nupakal a kikhenna leh kikhulna, shina leh angkawmna jieh hilou a nei a umleh, a khut zahlou phot diing ahia, a tungthu fel masang sie’n tambang tuohkhate Ministerial/Executive Committee in a kinthei lam a Ministrial Line hilou, a septhei dang (Alternative Arrangement of Work) apieh diing ahi.

BUNG – XXIX

Khil – 98 : Kol-awh leh a kizahtheina

1. Numei leh pasal hattuom Daan bang a kiteengsa a tungtang thu bangma suhfel sienglou a, zi leh ta dang a nei leh, zi-le-ta dang nei nu/pa pen kol-awh a kichi diing hi. Hinanleh, hattuom sung ah tambang in a kizang thei diing hi.
a) Hattuom Daan bang a kiteen nua a zi dang-pasal dang anei tahleh kum khat zou chiengin kiteenkia theina (zi/pasal dang toh) a ngen diing a, hattuom in tuabang kingetna khu Division ah a petou diing hi. Tualeh, Division in Annual Session/Khawmpi ah a pekia diing a, Annual Session/Khawmpi in pha a sah leh kiteen kia theina phalna pieh ahi diing hi. Tambang a khatvei kiteen nua a kiteen kia theina mute khu’n namdetna toh kisai mawngmawng a tang theisih diing ua; hinanleh, hattuom sung ah ama kipiehna dungjui a zahthei ahi diing hi.
c) Manipur Evangelical Lutheran Church sunga Hattuom Upa, Pastor, Probationary Pastor leh Evangelist te’n aangkawmna khelna ahiei, ahilouleh sepna apat a nawkhiet theina ching khelna a nei uleh a damsung un Upa, Pastor, Probationary Pastor leh Evangelist na a semthei nonsih diing uhi. Hinanleh, talent nei mi ahileh Ministerial chilou Department dang ah a semthei diing hi. Annual Session/Khawmpi in pha asah leh tambang kol-awhna in Office a nasemte leh Sangseate zong ahuop hi.
Khil – 99 : Hattuom sunga zawltai te leh kikhen/kikhulte tungtang
a) Koitobang numei kiten nua a kikhul/kikhenna jieh a hing phungkia aum tah leh a innsung miten Hattuomte kung a theisahna abawl ding uh ahi. Tuachin hattuom ten hattuom member hi dingin lahlutna anei ding uhi. Amabou lahlut hinanleh pasal nei kia thei na dingin atawmpen in Kum 1 ga ahi ding a, Kum 1 jou chiengin pasal anei kia thei pan ding hi.
b) Tualeh tambang numei phungkiate khu hattuom in ana nawsuo sa ahi dungjui in atha a nawsuo ahi nawnsih dinga amabou kisia a ngaidam ngen a ahing kinget chiengin dan sung a lahlut ahi ta ding hi. Dan sunga lahlut hinanleh pasal nei kia theina dingin a tawmpen in kum khat sung gah ahi ding a, hinanleh amawzaw ahileh kum ni sung gah ahi ding hi.
c) Tambang a kikhen mite gah ahinua a zi/pasal nei aumtah leh anei lou penpen khu asieng ahita ding hi. Tami in gahna te zousie zong aphel ahita ding hi.
d) Nu pa koizong amau deina bang leh innsung mite deina banga kikhen aum tahleh khumbang mite aumna hattuom ah theisahna leh kingetna abawl ding ua, tuajou chiengin hattuam mi-le-sa hi dinga lahlutna a hattuom in anei dinga hinanleh zi/pasal nei theina ding in a tawmpen in kum khat sung gah ahi ding ua, tuajou chiengin akingetna bang un kitenna neisah thei ahi ding hi. Amabou semtu ahileh akisaipi Committee tungtawn a Pawlpi theipina toh kitenna bawl ahi ding hi.
e) Hattuom Dan a zi leh pasal a kinei nua a, numei/pasal hina (sex) thu a chitlouna jieh a kikhenten kumkhat zaw chiengin midang toh kiten theina ding phalna hattuom ah angen thei dinga, tuachiin hattuomten zi/pasal nei kia theina phalna ape ding uhi. (Tualeh tam dan in hattuom a ordination, tangte leh sepna neite ahuom sih ding hi. Tualeh tambang a chitlana ahing um chiengin achit leh chitlouna Medical Doctor apat test chetna) hoitah a bawlsah a, khumi Doctor lai khu LCC te’n enjui a recommend abawl dungjui un Ji/Pasal neitheina piethei ahi ding hi. Hinanleh Hattuom a Ordination tangte leh sepna neite ahuom thei sih ding hi.

BAWNG – XXX

Khil – 100 : KHRISTIAN KITENNA

a) Pasian in pasal ama tang a aum hoi a sa sih a, tuachin a umpi ding leh panpitu ding in numei asiem a, nupa a um dingin asep a, hah leh suan nei a, leitung luo ding leh silsiemte tunga thuneina toh apia hi. Kitenna ichi nupa hina loungal numei leh pasal kithua khawm (upkhawm) a siang sih hi. Numei leh pasal nupa hi nua in pumkhat (sakhat) hita in Pasian in angaita hi. (Gen. 2:18; 23,24; I Kor. 7:10; Matt 19:4b)
b) Khristian Kitenna ah tam anuai a teng poimaw masa hi –
i) A kiteng ding gel lemsahna
ii) Akiteng ding gel nu leh pate tuoh lemsahna
iii) Hattuam (LCC) lemsahna.
c) i) Khristian kitenna ah sum-le-pai, man-le-mual, ken-le-tawi, khovel ngeina banga zulup sagawteh jiah a um leh det ahisih hi, tuate umlou jieh a kikhen leh kimah ding zong ahi tuansih hi. Akiteng ding nu-le-pa ten tam athei uh poimaw mama hi. Bangkim a zawng ahau kal a kidai danna umlou a, kingamtah leh zouthawtah a bangkim sai khu Pasian ngai a zong hoi pen hi dinga gintat ahi.
ii) Khristian kitenna ah Kitenna Moupuon apoimaw pen ahi tuam sih hi.
iii) Khristian kitenna ah theipitu (witness) ding zong apoimaw pen ahisih hi.
d) Khristian kitenna khu damsung dai ding ahia, shina leh angkawmna loungal a jieh dang mawngmawng kikhen theina leh kimah theina aumsih chi thei chiet poimaw mama hi.
e) i) Kiteng dia bangkim lemsaten Hattuam (LCC) ah agen ding ua, a hun leh amun leh vaiguon ding zousie kikum khawm in Biehinn laidal tahna mun ah ni 10 tei tei anei ding uhi. (Nupa ana hisa te kitenna pen biehinn sung teitei chi ahi tuansih ding)

ii) Tam anuai abang a laitah ahi ding (Local Letter Head zang in) :

Manipur Evangelical Lutheran Church

Khua/Hattuam ________________________________
Nimit _______________________________________

Nimit ______________ ni Nai _____________ am/pm chiengin Tv _________________ S/o _______________________ of ___________________ leh Nh. ________________________ d/o _____________________ of _________________ ten Hattuam dan a kitenna nei ding ahi uhi. Tuajiehin Hattuam Dan Siengthou a akiten ding uh lemlouna/chitlouna theiten tam anuai a suai kaite kungah ni 5 sung ngei in gelthaw in apethei ding uhi.

________________                 ___________________
Local Secretary              Seal                       Local Chairman

f) Kitenna umma in Siempi (Pastor) in akiteng dingte houlimpina (Counselling) aneipi ngeingei ding ahi. Nupakal kopna, kivenna ding leh sil dang dang poimaw leh kulte athuhil masat ngeingei ding ahi.
g) Khristian kitenna ah Pastor/Siempi khu hun keemtu ahi ngal ding hi.
h) A loutheilou buaina khawhtah um hun ah LCC in hun kiguot khu asu gamla thei ahisih leh asukai thei ding hi.
i) Ahun (Ani) tun hun chiengin LCC ten lemlouna umlou a athei uleh Siempi mai ah phuong khie in lai ape ding uhi. Mundang/hattuam dang tuoh in lemlouna amah ? ahisih leh lemlouna umlouna lai apetuoh ding uhi.
j) Kitenna vaiguon pen akitengsah ding pa, LCC teleh innsung mite phasahna bangbang in abawl ding uhi. Tuaban ah Vaiguon pen a zangkhai theipen a bawl thei ahi ding, zingkal, suun ahisihleh nitah khat penpen a bawl thei ahi.
k) Tuachiin kiten hun/ni ang tun chieng in Siampi in Khuttawi bu/Hattuam lamkaite puitu laibu kibawl khu enton in kitenna aneisah ta ding hi.

BUNG – XXXI

Khil – 101 : Vanneite:

1. Hattuom Vanneite: Tualsung hattuom hi’n, Divission hi’n, Pawlpi hi’n, Department tuomtuomte hi’n, Committee tuomtuomte hi’n, Mission Field leh Institution tuomtuomte hitaleh tami Manipur Evangelical Lutheran Church Hattuom nuoi a um zousie vannei tuonthei leh tuon theilou (moveable & unmoveable) a kaikhawmna tengteng neitu hina (title) Manipur Evangelical Lutheran Church ah a um hi.
2. Hattuom Vanneite zahna: Manipr Evangelical Lutheran Church vannei zousia, tuonthei hiin, tuon theilou hitaleh, tualsung hattuom ahiei, divission ahiei, field ahiei, Department tuomtuomte ahiei, Pawlpi headquarter ahiei, Committee/ board ahiei leh Institution ahiei in ana kaikhawmte a deina bangbang a zah theina thuneina Manipur Evangelical Lutheran Church in anei hi, Manipur Evangelical Lutheran Church peidan toh kituohlou ahisih nahleh.
3. MELC sum neisa zang a sil kaikhawmte: MELC sum toh ki kaikhawm vanneite zousie a deibang a zahtheina thuneina MELC in a nei hi.
4. Hattuom vanneite zuohkhiehna/ khohkhiehna: Manipur Evangelical Lutheran Church vanneite zuohkhieh ahiei, paikhieh ahiei leh koikhieh ding kulna a umleh Executive Committee in Rs 5,00,000/- manchieng abawlthei ding a, a tunglam te zousie pen kumtawp Khawmpi maimai in a bawlthei ding hi.
5. Tualsung Hattuom vanneite/ silneite piehkhiehna: Hattuom khat a unsieng ua kithutuoh a a tawpsieng uleh, khumi tuolsung/khosung vanneite/silneite zousie Manipur Evangelical Lutheran Church a ahi zing dinga, hattuom mite’n MELC nei leh lam tung ah thuneina anei thei sih ding uhi.

Khil – 102 : Kiheh- Kipei :

Kiheh – Kipei: Kiheh – Kipeina a um leh Manipur Evangelical Lutheran Church sih leh taang in Bishop adiing ding hi.

BUNG -XXXII: AFFILIATION TOH KISAI.

Khil – 103 : Affiliation :

1. Manipur Evangelical Lutheran Church Thugin kizilsahnate saangthei Hattuom pawlpi koi zong nasepkhawm ut a MELC a Affiliation hing bawl ut a umleh kipahpi ahi gige hi.
2. Khumbang a affiliation hing bawlte ama uh Identity leh autonomy protect sah ahi ding hi.
3. Affiliation bawlna ding in MELC kumchin Khawmpi ah a tawmpen in simple majority in a lemsahpi a ngai ding hi.
4. Affiliation hing bawl ut Hattuomte toh sepkhawm ding dan (terms & conditions) Khawmpi a puohlut ding in Executive in ana geel ding hi.

BUNG – XXXIII HATTUOM PAWLPI SUHBEINA/PHIATNA.

Khil – 104 : Hattuom pawlpi ki suhbeina/ ki phiatna:

Manipur Evangelical Lutheran Church kigawmna suhbei/phiat ding in Hattuom MELC Kumtawp Khawmpi palai zousie selisuo sethum phasahna leh khumi ding mawng mawng a kikhopna thupitah a um a ngai ding hi. Khumbang a ki suhbeina/phiatna a umleh Pawlpi vanneite Pawlpi dang khut ah a manbei a piehsawn thei ahi ding a, khumi ding in Khawmpi ma in koi khut a pieh ding ahiei chi a gen fel pai a ngai ding hi. Tambang ki suhbeina/ ki phiatna in Divission leh tualsung Hattuom Vanneite bangchi tan in a subuai theisih ding hi.

Khil – 105 : Tualsung Hattuom Ki suhbeina/Phiatna:

Manipur Evangelical Lutheran Church sung a um tualsung Hattuom khat delkhieh/hawlkhieh ahiei, ahisihleh azieh dang khat poupou zieh a khumi tualsung Hattuom kem ding a um nonlouna khat a um leh nei leh lam (properties & assets) MELC pawlpi (denomination) in alasieng ding hi.

~~~beita~~~

Manipur Evangelical Lutheran Church © 2015